സംസ്ഥാനത്ത് സ്വർണത്തിന് നാല് ദിവസമായി ഒരേ വിലയിൽ
സംസ്ഥാനത്ത് സ്വർണ വിലയിൽ മാറ്റമില്ല. നാല് ദിവസമായി ഒരേ വില തുടരുന്നു. ഗ്രാമിന് 4,645 രൂപയിലും പവന് 37,160 രൂപയിലുമാണ് ശനിയാഴ്ച ഉച്ച മുതൽ വ്യാപാരം നടക്കുന്നത്.
ശനിയാഴ്ച രണ്ട് വിലയാണ് സ്വർണത്തിന് രേഖപ്പെടുത്തിയത്. ഈ മാസത്തെ ഏറ്റവും കുറഞ്ഞ വിലയായ ഗ്രാമിന് 4,620 രൂപയും പവന് 36,960 രൂപയും രാവിലെ രേഖപ്പെടുത്തിയ ശേഷം ഉച്ചക്ക് ശേഷം വില വർധിക്കുകയായിരുന്നു. ഗ്രാമിന് 25 രൂപയും പവന് 200 രൂപയുമാണ് ശനിയാഴ്ച ഉച്ചക്ക് ശേഷം വർധിച്ചത്. ഈ മാസത്തെ ഏറ്റവും ഉയർന്ന വില ഒക്ടോബർ 6 മുതൽ 9 വരെ രേഖപ്പെടുത്തിയ ഗ്രാമിന് 4,785 രൂപയും പവന് 38,280 രൂപയുമാണ്.
