ഇരുളത്തെ ഹോട്ടൽ ഉടമയെ ബ്ലേഡ്കാരൻ ക്രൂരമായി മർദ്ദിച്ചതായി പരാതി
പുൽപ്പള്ളി : ഇരുളത്തെ ഹോട്ടൽ ഉടമയെ ബ്ലേഡ്കാരൻ ക്രൂരമായി മർദ്ദിച്ചതായി പരാതി. ഇരുളം എസ്.എ ഹോട്ടല്‍ ഉടമ സുബൈറിനാണ് മര്‍ദ്ദനം ഏറ്റത്.
ബ്ലേഡ്കാരനായ ഇരുളം പുത്തന്‍വീട്ടില്‍ ജംഷീത് മര്‍ദ്ദിച്ചെന്നാണ് പരാതി. കേണിച്ചിറ പോലീസ് കേസ് എടുത്തു അന്വേഷണം ആരംഭിച്ചു. സുബൈർ ചെക്കും, മുദ്ര പത്രവും നല്‍കി 100000 രൂപ ജംഷീതിൽ നിന്നും പലിശയക്ക് വാങ്ങിയിരുന്നു. എല്ലാ മാസവും പലിശ കൊടുക്കാറുണ്ട്. കഴിഞ്ഞ ദിവസം വീട്ടിലേക്ക് വിളിച്ചുവരുത്തി പലിശ വാങ്ങി യതിനു ശേഷം മര്‍ദ്ദിക്കുകയും, സുബൈറിന്റെ കാര്‍ പിടിച്ചു വെക്കുകയും ചെയ്തെന്നാണ് പരാതി. പ്രതിയെ ഉടന്‍ അറസ്റ്റ് ചെയ്യണമെന്നും കുബേര ആക്ട് പ്രകാരം കേസ് എടുക്കണമെന്നും നാട്ടുകാര്‍ ആവശ്യപ്പെട്ടു.
