വീട്ടില് അതിക്രമിച്ച് കയറി വീട്ടമ്മയെ കൂട്ടബലാല്സംഘം ചെയ്തതായി പരാതി ; യുവാക്കളെ മാനന്തവാടി പോലീസ് അറസ്റ്റ് ചെയ്തു
1 min read
വീട്ടില് അതിക്രമിച്ച് കയറി വീട്ടമ്മയെ കൂട്ടബലാല്സംഘം ചെയ്തതായി പരാതി ; യുവാക്കളെ മാനന്തവാടി പോലീസ് അറസ്റ്റ് ചെയ്തു
മാനന്തവാടി : മാനന്തവാടി സ്റ്റേഷന് പരിധിയിലെ 48 കാരിയായ വീട്ടമ്മയെ വീട്ടില് ആരുമല്ലാതിരുന്ന സമയത്ത് അതിക്രമിച്ച് കയറി കൂട്ടബലാല്സംഘം ചെയ്തതായി പരാതി. സംഭവത്തില് രണ്ട് പേരെ മാനന്തവാടി പോലീസ് അറസ്റ്റ് ചെയ്തു.
മാനന്തവാടി ഗോരിമൂല കുളത്തില് വിപിന് ജോര്ജ്ജ് ( 37) ,കോട്ടയം രാമപുരം സ്വദേശിയും വര്ഷങ്ങളായി ഗോരിമൂലയില് താമസക്കാരനുമായ രാഹുല് രാജന് (36) എന്നിവരെയാണ് മാനന്തവാടി പോലീസ് അറസ്റ്റ് ചെയ്തത്. മെയ് 3ന് രാത്രിയിലാണ് കേസിനാസ്പദമായ സംഭവം.
മാനന്തവാടി ഡി.വൈ.എസ്.പി എ.പി ചന്ദ്രന്റെ നിര്ദ്ദേശപ്രകാരം സി.ഐ എം.എം അബ്ദുള് കരീം, എസ്.ഐ ബിജു ആന്റണി, എ.എസ്.ഐ മാരായ കെ.മോഹന് ദാസ്, ടി.കെ മനോജന്, സി.പി.ഒ മാരായ വി.കെ രഞ്ജിത്ത്, സാഗര് രാജ് എന്നിവരടങ്ങിയ സംഘമാണ് പ്രതികളെ പിടികൂടിയത്. ഇവരെ ഇന്ന് കോടതിയില് ഹാജരാക്കും.
