കൂപ്പുകുത്തി സ്വര്‍ണവില….! ഇന്ന് ഒറ്റയടിക്ക് കുറഞ്ഞത് 1,600 രൂപ
സംസ്ഥാനത്ത് സ്വർണവിലയില്‍ വീണ്ടും വൻ ഇടിവ് രേഖപ്പെടുത്തി. ഗ്രാമിന് 200 രൂപ കുറഞ്ഞ് 12,815 രൂപയും പവന് 1,600 രൂപ കുറഞ്ഞ് 1,02,520 രൂപയുമാണ് ഇന്നത്തെ വിപണി വില.
ഇന്നലെ സമീപകാലത്തെ ഏറ്റവും കുറഞ്ഞ നിരക്കിലായിരുന്നു വ്യാപാരം നടന്നത്. പവന് 520 രൂപയും ഗ്രാമിന് 65 രൂപയുമായിരുന്നു ഇന്നലെ കുറഞ്ഞത്.
ചൊവ്വാഴ്ച മാത്രം രണ്ടു തവണയായി പവന് 1,400 രൂപ കുറഞ്ഞിരുന്നു. ഈ ആഴ്ചയുടെ തുടക്കത്തില്‍ വലിയ ഇടിവുണ്ടായതിന് പിന്നാലെ തുടർച്ചയായ മൂന്നു ദിവസം സ്വർണവില വർദ്ധിച്ചിരുന്നെങ്കിലും പിന്നീട് വീണ്ടും താഴേക്ക് പതിക്കുകയായിരുന്നു.
യു.എസ്-ഇറാൻ അനിശ്ചിതത്വങ്ങള്‍, ക്രൂഡ് ഓയില്‍ വിലയിലുണ്ടാകുന്ന വ്യതിയാനങ്ങള്‍, യു.എസ് ഫെഡറല്‍ റിസർവിന്റെ പലിശ നിരക്ക് സംബന്ധിച്ച പ്രതീക്ഷകള്‍ എന്നിവ കാരണം ആഗോള വിപണിയിലടക്കം സ്വർണ, വെള്ളി വിലകളില്‍ വലിയ രീതിയിലുള്ള ഉലച്ചിലുകള്‍ തുടരുകയാണ്.
