പുള്ളിമാനിനെ വേട്ടയാടിയവർ പിടിയിൽ
പുല്പ്പള്ളി : പുള്ളിമാനിനെ വേട്ടയാടിയവർ പിടിയില്. ഇരുളം ഫോറസ്റ്റ് സ്റ്റേഷൻ പരിധിയിലെ ചീയമ്പം ചെറിയ കുരിശ് ഭാഗത്താണ് സംഭവം. കോണ്ഗ്രസ് പുല്പ്പള്ളി മണ്ഡലം വൈസ് പ്രസിഡന്റ് എല്ദോസ് കണിയാംകുടി, മീനങ്ങാടി ബ്ലോക്ക് ജനറല് സെക്രട്ടറി റജി പുളിങ്കുന്നേല്, ജോസ് മാത്യു, സിബി പുറത്തോട്ട്, പാറക്കൽ ജോസഫ് സെബാസ്റ്റ്യൻ എന്നിവരാണ് അറസ്റ്റിലായത്. പ്രതികളില് നിന്ന് നാടൻ തോക്കും തിരകളും പിടിച്ചെടുത്തു. രണ്ട് പുള്ളിമാനുകളുടെ ജഡങ്ങളും കണ്ടെത്തി.
രാത്രി പട്രോളിങ്ങിനിടെ വെടിയൊച്ച കേട്ടതിനെ തുടർന്ന് നടത്തിയ പരിശോധനയിലാണ് നായാട്ട് സംഘം പിടിയിലായത്.
