ക്രിസ്മസ്, പുതുവത്സര സീസണ് കണക്കിലെടുത്ത് യാത്രക്കാരുടെ തിരക്ക് ഒഴിവാക്കാൻ പ്രത്യേക ട്രെയിനുകള് പ്രഖ്യാപിച്ച് റെയില്വേ
തിരുവനന്തപുരം : ക്രിസ്മസ്, പുതുവത്സര സീസണ് കണക്കിലെടുത്ത് യാത്രക്കാരുടെ തിരക്ക് ഒഴിവാക്കാൻ പ്രത്യേക ട്രെയിനുകള് പ്രഖ്യാപിച്ച് ദക്ഷിണ പശ്ചിമ റെയില്വേ.06192 തിരുവനന്തപുരം സെൻട്രല് – ചണ്ഡീഗഡ് വണ്-വേ എക്സ്പ്രസ് സ്പെഷ്യല്, 06283/06284 മൈസൂരു – തൂത്തുക്കുടി – മൈസൂരു എക്സ്പ്രസ് എന്നിവയാണ് പ്രഖ്യാപിച്ചത്.
ഇതോടുകൂടി യാത്രക്കാർക്ക് യാത്രാവേളയിലെ അനിയന്ത്രിതമായ തിരക്ക് ഒഴിവാക്കാൻ കഴിയും .
06192 തിരുവനന്തപുരം സെൻട്രല് – ചണ്ഡീഗഡ് വണ്വേ എക്സ്പ്രസ് സ്പെഷ്യല് ഡിസംബർ 10 (ബുധൻ) ന് രാവിലെ 7.45 ന് തിരുവനന്തപുരത്ത് നിന്ന് പുറപ്പെട്ട് നാലാം ദിവസം രാവിലെ 4 ന് ചണ്ഡീഗഡില് എത്തിച്ചേരും (1 സർവീസ്). 2- എസി ത്രീ ടയർ ഇക്കണോമി കോച്ചുകള്, 8- സ്ലീപ്പർ ക്ലാസ് കോച്ചുകള്, 7- ജനറല് സെക്കൻഡ് ക്ലാസ് കോച്ചുകള്, 2- ലഗേജ് കം ബ്രേക്ക് വാൻ എന്നിങ്ങനെയാണ് കോച്ച് പൊസിഷൻ.
തിരുവനന്തപുരം സെൻട്രല്, കൊല്ലം, കായംകുളം, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗണ്, ആലുവ, തൃശൂർ, ഷൊർണൂർ, തിരൂർ, കോഴിക്കോട്, കണ്ണൂർ, കാസർകോട് എന്നിവിടങ്ങളില് സ്റ്റോപ്പുണ്ടാകും.
06283 മൈസൂരു – തൂത്തുക്കുടി എക്സ്പ്രസ് സ്പെഷ്യല് ഡിസംബർ 23, 27 തീയതികളില് (ചൊവ്വ, ശനി) വൈകിട്ട് 6.35 ന് മൈസൂരുവില് നിന്ന് പുറപ്പെട്ട് അടുത്ത ദിവസം രാവിലെ 11ന് തൂത്തുക്കുടിയില് എത്തിച്ചേരും (2 സർവീസുകള്). തിരികെ 06284 തൂത്തുക്കുടി – മൈസൂരു എക്സ്പ്രസ് സ്പെഷ്യല് ഡിസംബർ 24, 28 തീയതികളില് (ബുധൻ, ഞായർ) ഉച്ചയ്ക്ക് 2ന് തൂത്തുക്കുടിയില് നിന്ന് പുറപ്പെട്ട് അടുത്ത ദിവസം രാവിലെ 7.45 ന് മൈസൂരുവില് എത്തിച്ചേരും (2 സർവീസുകള്). എസി ടു ടയർ കോച്ച്, 2 എസി ത്രീ ടയർ കോച്ചുകള്, 9 സ്ലീപ്പർ ക്ലാസ് കോച്ചുകള്, 4 ജനറല് സെക്കൻഡ് ക്ലാസ് കോച്ചുകള്, 2 ലഗേജ്-കം-ബ്രേക്ക് വാൻ എന്നിങ്ങനെയാണ് കോച്ചുകള്.
