കുതിച്ച്‌ കുതിച്ച്‌ ഏറ്റവും ഉയരത്തിലെത്തി സ്വര്‍ണവില : നാലാം ദിനവും വര്‍ധന

സംസ്ഥാനത്ത് ഇന്ന് സ്വർണവിലയില്‍ വർധന രേഖപ്പെടുത്തി. തുടർച്ചയായ നാലാം ദിനമാണ് സ്വർണവിലയില്‍ വർധനയുണ്ടായത്. ഒരു പവൻ സ്വർണത്തിന് 120 രൂപയുടെ വർധനയാണിന്നുണ്ടായത്. ഇതോടെ ഒരു പവൻ സ്വർണത്തിന്റെ വില 73,240 രൂപയിലേക്ക് ഉയർന്നു. ജൂണ്‍ 24ന് ശേഷം ഇതാദ്യമായാണ് സ്വർണവില 73,240 രൂപയിലേക്ക് എത്തുന്നത്. ഇതോടെ ഇത് ഈ മാസത്തെ ഇതുവരെയുള്ളതില്‍ വച്ചേറ്റവും ഉയർന്ന നിരക്കായി മാറിയിരിക്കുകയാണ്.

ജൂലൈ ഒന്നിന് 72,160 രൂപയ്ക്ക് വില്‍പ്പന നടന്ന സ്വർണത്തിന് പിന്നീടുള്ള വിലയിലെ ഇടിവിനെത്തുടർന്ന് ജൂലൈ 9ന് 72,000 രൂപയിലേക്ക് വില ഇടിഞ്ഞിരുന്നു. എന്നാല്‍ പിന്നീടുള്ള ദിവസങ്ങളില്‍ സ്വർണവില തുടർച്ചായായി വർധിക്കുകയായിരുന്നു. നാല് ദിനം കൊണ്ട് 1,240 രൂപയുടെ വർധനയാണ് ഒരു പവൻ സ്വർണത്തിന്റെ വിലയില്‍ ഉണ്ടായിട്ടുള്ളത്.

ഒരു ഗ്രാം സ്വർണത്തിന്റെ വില ഇന്ന് 15 രൂപ വർധിച്ച്‌ 9,155 രൂപയിലേക്ക് ഉയർന്നു.