തലപ്പുഴയിൽ 200 കിലോ കാപ്പിയും, 5 കിലോ കുരുമുളകും മോഷ്ടിച്ച് ഒളിവിലായിരുന്ന പ്രതി പിടിയിൽ
തലപ്പുഴ : മോഷണ കേസില്‍ ഒളിവിലായിരുന്ന പ്രതി പിടിയിൽ. തലപ്പുഴ മക്കിമല കൂക്കോട്ടില്‍ ശ്രീജിത്ത് (29) ആണ് പിടിയിലായത്. കര്‍ണാടക ഹാന്റ് പോസ്റ്റില്‍ ഒളിവില്‍ കഴിയവെയാണ് തലപ്പുഴ പോലീസ് ശ്രീജിത്തിനെ അറസ്റ്റ് ചെയ്തത്.
2022 ജൂണ്‍ മാസം മക്കിമലയിലെ സ്വകാര്യ വ്യക്തിയുടെ തോട്ടത്തില്‍ സൂക്ഷിച്ചു വെച്ച 200 കിലോ കാപ്പിയും, 5 കിലോ കുരുമുളകും മോഷ്ടിച്ച ശേഷം ഒളിവില്‍ കഴിയുകയായിരുന്നു ശ്രീജിത്ത്. കോടതിയില്‍ ഹാജരാക്കിയ പ്രതിയെ റിമാന്റ് ചെയ്തു.
തലപ്പുഴ എസ്.ഐ പി.പി. റോയി, എ.എസ്.ഐ ശ്രീവത്സന്‍ കെ.വി, എസ്.സി.പി.ഒ രാജേഷ് എന്‍, സി.പി.ഒ സനല്‍ എ.ആര്‍. തുടങ്ങിയവരുടെ നേതൃത്വത്തിലുള്ള സംഘമാണ് ശ്രീജിത്തിനെ ഹാന്റ് പോസ്റ്റില്‍ വെച്ച് അറസ്റ്റ് ചെയ്തത്. തിരുനെല്ലി, മാനന്തവാടി സ്റ്റേഷനുകളില്‍ ശ്രീജിത്തിനെതിരെ കഞ്ചാവ് കേസുമുണ്ട്.
