സ്വര്ണവിലയില് ഇന്നും വര്ധന : പവന് കൂടിയത് 600 രൂപ
സംസ്ഥാനത്ത് വിപണിയില് സ്വർണവിലയില് ഇന്നും വർധനവ്. ഇന്നലെ രണ്ട് തവണയായി സ്വർണവില ഉയർന്നതിന് പിന്നാലെയാണ് ഇന്ന് രാവിലെ സ്വർണവില വീണ്ടും വർധിച്ചത്. രാവിലെ പുറത്തുവിട്ട കണക്കുകള് പ്രകാരം 22 കാരറ്റ് സ്വർണം ഗ്രാമിന് 75 രൂപയും പവന് 600 രൂപയുമാണ് വർധിച്ചത്. ഇതോടെ ഒരു പവൻ സ്വർണത്തിന്റെ ഇന്നത്തെ വിപണി വില 1,12,200 രൂപയായി ഉയർന്നു. ഗ്രാമിന് 14,025 രൂപ എന്ന നിരക്കിലാണ് വ്യാപാരം നടക്കുന്നത്.
വിവിധ കാരറ്റുകളിലെ വില വിവരങ്ങള്:
സ്വർണത്തിന്റെ വിവിധ വിഭാഗങ്ങളിലെ വില നിലവാരം താഴെ പറയുന്ന രീതിയിലാണ്:
22 കാരറ്റ്: ഗ്രാമിന് 14,025 രൂപ (പവന് 1,12,200 രൂപ) – 75 രൂപ വർധിച്ചു
18 കാരറ്റ്: ഗ്രാമിന് 11,525 രൂപ (പവന് 92,200 രൂപ) – 60 രൂപ വർധിച്ചു
14 കാരറ്റ്: ഗ്രാമിന് 8,975 രൂപ (പവന് 71,800 രൂപ) – 50 രൂപ വർധിച്ചു
9 കാരറ്റ്: ഗ്രാമിന് 5,790 രൂപ (പവന് 46,320 രൂപ) – 35 രൂപ വർധിച്ചു
സ്വർണവില വർധിച്ചെങ്കിലും വെള്ളി വിലയില് ഇന്ന് മാറ്റമുണ്ടായിട്ടില്ല. ഒരു ഗ്രാം വെള്ളിക്ക് 260 രൂപ എന്ന നിരക്കിലാണ് വിപണനം നടക്കുന്നത്. 10 ഗ്രാം വെള്ളിക്ക് 2,600 രൂപയാണ് ഇന്നത്തെ വില. കഴിഞ്ഞ ജനുവരി 29-ന് രേഖപ്പെടുത്തിയ പവന് 1,31,160 രൂപ എന്ന റെക്കോർഡ് വിലയുമായി താരതമ്യം ചെയ്യുമ്പോള് നിലവിലെ വില കുറവാണെങ്കിലും, കഴിഞ്ഞ ഏതാനും ദിവസങ്ങളായി സ്വർണവിലയില് ചെറിയ തോതിലുള്ള വർധനവ് പ്രകടമാണ്. ആഗോള വിപണിയിലെ മാറ്റങ്ങളും ഡോളറിന്റെ മൂല്യത്തിലുണ്ടാകുന്ന വ്യതിയാനങ്ങളുമാണ് പ്രാദേശിക വിപണിയിലും പ്രതിഫലിക്കുന്നത്.
