കുതിച്ചുയര്ന്ന് സ്വര്ണവില : ഇന്ന് കൂടിയത് 1,520 രൂപ, വെള്ളിവിലയിലും വർധന
സംസ്ഥാനത്ത് സ്വര്ണ വിലയില് ഇന്നും വര്ധന. ഗ്രാമിന് 190 രൂപ വര്ധിച്ച് 14,760 രൂപയും പവന് 1,520 രൂപ വര്ധിച്ച് 1,18,320 രൂപയുമായി. ശനിയാഴ്ച പവന് 1,400 രൂപ കൂടിയിരുന്നു. വെളളിയാഴ്ച വൈകിട്ട് പവന് 880 രൂപ വര്ധിച്ചിരുന്നു. ഇതോടെ മൂന്ന് ദിവസത്തിനിടെ സ്വര്ണ വിലയില് 3,800 രൂപയുടെ വര്ധനയാണ് ഉണ്ടായിരിക്കുന്നത്. 18 കാരറ്റ് സ്വർണത്തിന് ഗ്രാമിന് 155 രൂപ വര്ധിച്ച് 12,150 രൂപയും 14 കാരറ്റിന് ഗ്രാമിന് 120 രൂപ കൂടി 9,460 രൂപയിലുമെത്തി. 9 കാരറ്റ് സ്വർണത്തിന്റെ ഒരു ഗ്രാമിന് 75 രൂപ വർധിച്ച് 6,100 രൂപയിലെത്തി. വെളളി വില ഗ്രാമിന് 25 രൂപ വര്ധിച്ച് 300 രൂപയിലാണ് വ്യാപാരം പുരോഗമിക്കുന്നത്.
