റേഷൻ കടകൾക്ക് നാളെയും മറ്റെന്നാളും അവധി : ഡിസംബറിലെ വിതരണം രണ്ട് മുതൽ 

റേഷൻ ഉപയോക്താക്കളുടെ ശ്രദ്ധയ്ക്ക്, നവംബർ മാസത്തെ റേഷൻ വിഹിതം ഇന്നും കൂടി മാത്രമേ ലഭിക്കൂ. നാളെ നവംബർ 30നും (ഞായർ) ഡിസംബർ ഒന്നിനും (തിങ്കള്‍) റേഷൻ കടകള്‍ അവധിയായിരിക്കും. അതിനാല്‍ നവംബർ മാസത്തെ റേഷൻ സേവനങ്ങള്‍ ഇന്ന് തന്നെ വാങ്ങിക്കുക. ഡിസംബർ രണ്ട് ചൊവ്വാഴ്ച മുതലാണ് ഡിസംബർ മാസത്തെ റേഷൻ വിഹിതം നല്‍കി തുടങ്ങുക.

ഡിസംബറില്‍ മണ്ണെണ്ണ ലഭിക്കും

അടുത്ത മൂന്ന് മാസത്തേക്കുള്ള മണ്ണെണ്ണ വിഹിതം ഡിസംബർ മാസത്തില്‍ ലഭിക്കുമെന്ന് സിവില്‍ സപ്ലൈസ് വകുപ്പ് അറിയിച്ചു. വൈദ്യുതി ഉള്ള അന്ത്യോദയ അന്ന യോജന (മഞ്ഞ കാർഡ്) മുൻഗണന വിഭാഗം (പിങ്ക്) എന്നീ റേഷൻ ഉപയോക്താക്കള്‍ക്ക് ഒരു ലിറ്റർ മണ്ണെണ്ണയാണ് ലഭിക്കുക. വൈദ്യുതി ഇല്ലാത്ത വീടുകള്‍ക്ക് നാല് ലിറ്റർ മണ്ണെണ്ണയും ലഭിക്കും. പൊതുവിഭാഗം സബ്സിഡി (നീല) കാർഡുകാർക്കും പൊതുവിഭാഗം (വെള്ള) കാർഡുകാർക്കും അര ലിറ്റ വീതം മണ്ണെണ്ണ ലഭിക്കുന്നതാണ്.

മറ്റ് റേഷൻ വിഹിതങ്ങള്‍

മഞ്ഞ കാർഡ് – 30 കിലോ അരിയും രണ്ട് കിലോ ഗോതമ്ബും സൗജന്യമായി ലഭിക്കുന്നതാണ്. 3 പായ്ക്കറ്റ് ആട്ട ഏഴ് രൂപ നിരക്കിലും ഒരു കിലോ പഞ്ചസാര 27 രൂപയ്ക്കും ലഭിക്കും

പിങ്ക് കാർഡ് – ഓരോ അംഗത്തിനും നാല് കിലോ അരിയും ഒരു കിലോ ഗോതമ്ബും സൗജന്യമായി ലഭിക്കും. പായ്ക്കറ്റ് ആട്ട ഒമ്ബത് രൂപ നിരക്കില്‍ ലഭിക്കും (ഇത് ഗോതമ്ബ് ഇനത്തില്‍ നിന്നും കുറയ്ക്കും)

നീല കാർഡ് – ഓരോ അംഗത്തിനും രണ്ട് കിലോ അരി വീതം കിലോയ്ക്ക് നാല് രൂപ നിരക്കില്‍ ലഭിക്കും. കൂടാതെ അഞ്ച് കിലോ അരി 10.90 രൂപയ്ക്ക് ലഭിക്കും.

വെള്ള കാർഡ് – പത്ത് കിലോ അരി 10.90 രൂപയ്ക്ക് ലഭിക്കും

എല്ലാ കാർഡുകള്‍ക്കും മേല്‍പറഞ്ഞ് അളവില്‍ മണ്ണെണ്ണ ലഭിക്കുന്നതാണ്. ഒരു ലിറ്റർ മണ്ണെണ്ണയ്ക്ക് 68 രൂപയാണ്.