വില്പ്പനക്കായി കാറില് കടത്തുകയായിരുന്ന എംഡിഎംഎയുമായി യുവാവ് പിടിയിൽ
ബത്തേരി : കാറില് ഒളിപ്പിച്ച് കടത്തുകയായിരുന്ന എം.ഡി.എം.യുമായി യുവാവ് പിടിയില്. കോട്ടക്കല്, വെസ്റ്റ് വില്ലൂര്, കൈതവളപ്പില് വീട്ടില് ഷമീം(33) നെയാണ് ജില്ലാ ലഹരി വിരുദ്ധ സ്ക്വാഡും ബത്തേരി പോലീസും ചേർന്ന് പിടികൂടിയത്. 22.11.2025 തീയതി രാവിലെ മുത്തങ്ങ ചെക്ക് പോസ്റ്റില് നടത്തിയ പരിശോധനയിലാണ് ഇയാള് വലയിലാകുന്നത്. ഇയാള് സഞ്ചരിച്ച കെ.എല്.65 എന്. 6229 സ്വിഫ്റ്റ് കാറിന്റെ സീറ്റിന്റെ അടിയില് ഒളിപ്പിച്ച നിലയിൽ 95.93 ഗ്രാം എം ഡി എം എ കണ്ടെടുക്കുകയായിരുന്നു. എസ്.ഐ രാംകുമാര്, എ.എസ്.ഐ ഗോപാലകൃഷ്ണന്, ഡ്രൈവര് എസ്.സി.പി.ഒ ലബ്നാസ്, സി.പി.ഒമാരായ അനില്, അനിത്ത്കുമാര് എന്നിവരാണ് പോലീസ് സംഘത്തിലുണ്ടായിരുന്നത്.
