സംസ്ഥാനത്ത് സ്വർണവിലയിൽ നേരിയ ഇടിവ്

സംസ്ഥാനത്ത് ഇന്ന് സ്വർണവില കുറഞ്ഞു. ഇന്ന് രാവിലെ 22 കാരറ്റ് സ്വർണത്തിന് ഒരു പവന് 200 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 90,200 രൂപയായി. ഗ്രാമിന് 25 രൂപ കുറഞ്ഞ് 11,275 രൂപയായിട്ടുണ്ട്. കഴിഞ്ഞ ദിവസം 90,400 രൂപയായിരുന്നു ഒരു പവൻ സ്വർണത്തിന്റെ വില. കഴിഞ്ഞ കുറച്ചു ദിവസങ്ങളായി സ്വർണ്ണവിലയില്‍ ചാഞ്ചാട്ടമാണ് അനുഭവപ്പെടുന്നത്.

കഴിഞ്ഞ ദിവസം വില രണ്ട് തവണയായി വർധിക്കുകയും, വൈകുന്നേരം 440 രൂപ വർധിച്ച്‌ അഞ്ച് ദിവസത്തിനുശേഷം വില വീണ്ടും 90,000 കടക്കുകയും ചെയ്തിരുന്നു.

ഒക്ടോബർ 21-നാണ് സ്വർണവില സർവകാല റെക്കോർഡായ 97,360 രൂപയില്‍ എത്തിയിരുന്നത്.