യുപിഎസ്‌സി എഞ്ചിനീയറിങ് സര്‍വീസ് പരീക്ഷ വിജ്ഞാപനമിറക്കി ; 474 ഒഴിവുകള്‍; അപേക്ഷ ഒക്ടോബര്‍ 16 വരെ
യൂണിയൻ പബ്ലിക് സർവീസ് കമ്മീഷൻ കേന്ദ്ര സർക്കാർ/പൊതുമേഖലാ സ്ഥാപനങ്ങളില്‍ വന്നിട്ടുള്ള എഞ്ചിനീയറിങ് സർവീസ് തസ്തികകളിലേക്കുള്ള വിജ്ഞാപനമിറക്കി. ആകെ 474 ഒഴിവുകളാണുള്ളത്. എൻജിനീയറിങ് സർവീസസ് പരീക്ഷ 2026 മുഖേനയാണു തിരഞ്ഞെടുപ്പ്. സിവില്‍, മെക്കാനിക്കല്‍, ഇലക്‌ട്രിക്കല്‍, ഇലക്ട്രോണിക്സ് ആൻഡ് ടെലി കമ്യൂണിക്കേഷൻ വിഭാഗങ്ങളിലാണ് ഒഴിവുകളുള്ളത്. ഉദ്യോഗാർഥികള്‍ക്ക് ഒക്ടോബർ 16 വരെ ഓണ്‍ലെെൻ അപേക്ഷ നല്‍കാം.
പ്രായപരിധി
21 വയസ് മുതല്‍ 30 വയസ് വരെ പ്രായമുള്ളവർക്ക് അപേക്ഷിക്കാം. പ്രായം 2026 ജനുവരി ഒന്ന് അടിസ്ഥാനമാക്കി കണക്കാക്കും. അർഹർക്കു നിയമാനുസൃത വയസിളവ് അനുവദിക്കും.
യോഗ്യത
എൻജിനീയറിങ് ബിരുദം/തത്തുല്യം, അല്ലെങ്കില്‍ ഇൻസ്റ്റിറ്റ്യൂഷൻ ഓഫ് എൻജിനീയേഴ്സിൻറെ (ഇന്ത്യ) ഇൻ സ്‌റ്റിറ്റ്യൂഷൻ പരീക്ഷകളില്‍ സെക്ഷൻ എയിലും ബിയിലും ജയം, അല്ലെങ്കില്‍ വിദേശ സർവകലാശാലയില്‍ നിന്നു നേടിയ തത്തുല്യ ബിരുദം/ഡിപ്ലോമ അല്ലെങ്കില്‍ ഇൻസ്റ്റിറ്റ്യൂഷൻ ഓഫ് ഇലക്ട്രോണിക്സ് ആൻഡ് ടെലികമ്യൂണിക്കേഷൻ എൻജിനീയേഴ്സിൻറെ(ഇന്ത്യ) ഗ്രാജ്വേറ്റ് മെമ്ബർഷിപ്പ് പരീക്ഷാ ജയം, അല്ലെങ്കില്‍ എയറോനോട്ടിക്കല്‍ സൊസൈറ്റി ഓഫ് ഇന്ത്യയുടെ അസോഷ്യേറ്റ് മെമ്ബർഷിപ്പ്.
ഇന്ത്യൻ റേഡിയോ റഗുലേറ്ററി സർവീസ് ഗ്രൂപ്പ് എ
വയർലെസ് കമ്യൂണിക്കേഷൻ ഇലക്ട്രോണിക്സ്, റേഡിയോ ഫിസിക്സ്/റേഡിയോ എൻജിനീയറിങ് പ്രത്യേക വിഷയമായി പഠിച്ച്‌ എംഎസ്‌സി/തത്തുല്യം, അല്ലെങ്കില്‍ ഫിസിക്സ് ആൻഡ് റേഡിയോ കമ്യൂണിക്കേഷൻ/ഇലക്ട്രോണിക്സ്/ടെലികമ്യൂണിക്കേഷൻ പ്രത്യേക വിഷയമായി പഠിച്ചു സയൻസ് ബിരുദാനന്തരബിരുദം.
പരീക്ഷ കേന്ദ്രം
പ്രിലിംസ് പരീക്ഷക്ക് കൊച്ചിയിലും, തിരുവനന്തപുരത്തും പരീക്ഷ കേന്ദ്രങ്ങള്‍ അനുവദിച്ചിട്ടുണ്ട്. മെയിൻ പരീക്ഷ തിരുവനന്തപുരത്താണ് നടക്കുക.
അപേക്ഷാഫീസ്
200 രൂപ. സ്ത്രീകള്‍, പട്ടികവിഭാഗം, ഭിന്നശേഷിക്കാർക്കു ഫീസ് വേണ്ട. എസ്ബിഐ ശാഖ വഴിയോ ഓണ്‍ലൈനിലൂടെയോ ഫീസടയ്ക്കാം.
അപേക്ഷിക്കേണ്ട വിധം
യോഗ്യരായവർക്ക് യുപിഎസ് സി വെബ്സെെറ്റ് മുഖേന അപേക്ഷ നല്‍കാം. ഒക്ടോബർ 16നകം ഓണ്‍ലെെൻ അപേക്ഷ നല്‍കണം. നോട്ടിഫിക്കേഷനും, പ്രോസ്പെക്ടസിനും www.upsc.gov.in സന്ദർശിക്കുക.
