വിദ്യാര്‍ഥികള്‍ക്ക് 15000 രൂപ മുതല്‍ 20 ലക്ഷം വരെ സ്കോളര്‍ഷിപ്പ് ; നവംബര്‍ 15 വരെ അപേക്ഷിക്കാം
എസ്.ബി.ഐ.ഫൗണ്ടേഷൻ നല്‍കുന്ന പ്ലാറ്റിനം ജൂബിലി ആശ സ്കോളർഷിപ്പിന് (പിന്നോക്ക പാശ്ചാത്തലത്തിലുള്ളവർക്ക്) അപേക്ഷ ക്ഷണിച്ചു. സ്കൂള്‍തലം മുതല്‍ പോസ്റ്റ് ഗ്രാജ്വേഷൻ വരെയുള്ളവർക്ക് അപേക്ഷിക്കാം. 23230 പേർക്കാണ് സ്കോളർഷിപ്പ് ലഭിക്കുക. വിവിധ കോഴ്സുകള്‍ക്ക് 15000 രൂപ മുതല്‍ 20 ലക്ഷം വരെ സ്കോളർഷിപ്പ് തുക ലഭിക്കും.
9മുതല്‍ 12വരെയുള്ള സ്കൂള്‍ വിദ്യാർത്ഥികള്‍,ബിരുദം, ബിരുദാനന്തരം, മെഡിക്കല്‍, ഐ.ഐ.എം, ഐ.ഐ.ടി വിദ്യാർത്ഥികള്‍, മറ്റു രാജ്യങ്ങളില്‍ പഠിക്കുന്നവർ എന്നിവർക്ക് അപേക്ഷിക്കാം. പെണ്‍കുട്ടികള്‍ക്കും എസ്.സി/എസ്.ടി വിഭാഗക്കാർക്കും സംവരണമുണ്ട്. മികവ് പുലർത്തുന്നവർക്ക് അടുത്ത വർഷം സ്കോളർഷിപ്പ് പുതുക്കാൻ അവസരവുമുണ്ട്. അവസാന തീയതി നവംബർ 15. വെബ്സൈറ്റ്: www.sbiashascholarship.co.in.
യോഗ്യത
സ്കൂള്‍: 9മുതല്‍ 12വരെ ക്ലാസുകളില്‍ പഠിക്കുന്നവർക്ക് അപേക്ഷിക്കാം. മുൻ അദ്ധ്യയന വർഷങ്ങളില്‍ 75 ശതമാനം മാർക്കുണ്ടായിരിക്കണം. സ്കോളർഷിപ്പ് തുക: പ്രതിവർഷം 15000 രൂപ. കുടുംബ വാർഷിക വരുമാനം 300000 കവിയരുത്.
യു.ജി: എൻ.ഐ.ആർ.എഫ് റാങ്കിംഗില്‍ ആദ്യ 300 റാങ്കില്‍ വരുന്ന സ്ഥാപനത്തില്‍ ബിരുദ പ്രോഗ്രാമിന് പഠിക്കുന്നവർക്ക് അപേക്ഷിക്കാം. മുൻ അദ്ധ്യയന വർഷങ്ങളില്‍ 75ശതമാനം മാർക്കുണ്ടായിരിക്കണം. സ്കോളർഷിപ്പ് തുക: പ്രതിവർഷം 75000 രൂപ. കുടുംബ വാർഷിക വരുമാനം 600000 കവിയരുത്.
പി.ജി:എൻ.ഐ.ആർ.എഫ് റാങ്കിംഗില്‍ ആദ്യ 300 റാങ്കില്‍ വരുന്ന സ്ഥാപനത്തില്‍ ബിരുദാനന്തര പ്രോഗ്രാമിന് പഠിക്കുന്നവർക്ക് അപേക്ഷിക്കാം. മുൻ അദ്ധ്യയന വർഷങ്ങളില്‍ 75ശതമാനം മാർക്കുണ്ടായിരിക്കണം. സ്കോളർഷിപ്പ് തുക: പ്രതിവർഷം 75000 രൂപ. കുടുംബ വാർഷിക വരുമാനം 600000 കവിയരുത്.
മെഡിക്കല്‍: എൻ.ഐ.ആർ.എഫ് റാങ്കിംഗില്‍ ആദ്യ 300 റാങ്കില്‍ വരുന്ന സ്ഥാപനത്തില്‍ ബിരുദാനന്തര പ്രോഗ്രാമിന് പഠിക്കുന്നവർക്ക് അപേക്ഷിക്കാം. മുൻ അദ്ധ്യയന വർഷങ്ങളില്‍ 75ശതമാനം മാർക്കുണ്ടായിരിക്കണം. സ്കോളർഷിപ്പ് തുക: പ്രതിവർഷം 450000 രൂപ. കുടുംബ വാർഷിക വരുമാനം 600000 കവിയരുത്.
ഐ.ഐ.ടി: ഐ.ഐ.ടിയില്‍ ബിരുദ പ്രോഗ്രാമിന് പഠിക്കുന്നവർക്ക് അപേക്ഷിക്കാം. മുൻ അദ്ധ്യയന വർഷങ്ങളില്‍ 75ശതമാനം മാർക്കുണ്ടായിരിക്കണം. സ്കോളർഷിപ്പ് തുക: പ്രതിവർഷം 200000 രൂപ. കുടുംബ വാർഷിക വരുമാനം 600000 കവിയരുത്.
ഐ.ഐ.എം: ഐ.ഐ.എമ്മില്‍ എം.ബി.എ/പി.ജി.ഡി.എം പ്രോഗ്രാമിന് പഠിക്കുന്നവർക്ക് അപേക്ഷിക്കാം. മുൻ അദ്ധ്യയന വർഷങ്ങളില്‍ 75 ശതമാനം വേണം. സ്കോളർഷിപ്പ് തുക: പ്രതിവർഷം 500000 രൂപ. കുടുംബ വാർഷിക വരുമാനം 600000 കവിയരുത്.
