വയനാട്ടിൽ കാട്ടാന ആക്രമണത്തിൽ യുവാവിന് പരിക്ക് : ഓട്ടോറിക്ഷയും തകർത്തു
ബത്തേരി : വയനാട്ടിൽ കാട്ടാന ആക്രമണത്തിൽ യുവാവിന് പരിക്ക്. ഓട്ടോറിക്ഷയും തകർത്തു. മൂടക്കൊല്ലിയിൽ കഴിഞ്ഞ രാത്രി 9.30 ഓടെയാണ് സംഭവം. ജോലി കഴിഞ്ഞ് വീട്ടിലേക്ക് പോവുന്ന മുത്തിമല അഭിലാഷിനെയാണ് കാട്ടാന ആക്രമിച്ചത്. കൈക്കും, കാൽ മുട്ടിനും അരക്കെട്ടിനും പരിക്കേറ്റ അഭിലാഷിനെ ബത്തേരി ഗവ:ആശുപത്രിയിൽ പ്രവേശിപ്പിച്ചു. കാട്ടാന സമീപത്തെ നെടിയാങ്കൽ ബിനുവിൻ്റെ വീട്ടുമുറ്റത്ത് നിർത്തിയിട്ടിരുന്ന ഓട്ടോറിക്ഷയും തകർത്തു. ഓട്ടോയുടെ പുറക് വശം മുഴുവനായി തകർന്നു.
