ചക്രവാതച്ചുഴി : കേരളത്തിൽ വീണ്ടും കാലവർഷം ശക്തിയാർജ്ജിക്കുന്നു ; റെഡ് അലര്‍ട്ടുകള്‍ പ്രഖ്യാപിച്ചു
തിരുവനന്തപുരം : സംസ്ഥാനത്ത് കാലവർഷം വീണ്ടും ശക്തിയാർജ്ജിക്കുന്നു. കേരളത്തില്‍ ഇന്ന് മുതല്‍ മഴ ശക്തമാകുമെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം അറിയിച്ചു. ഇതേ തുടർന്ന് ജൂണ്‍ 14 മുതല്‍ 16 വരെ മൂന്ന് ദിവസത്തേക്ക് സംസ്ഥാനത്തെ വിവിധ ജില്ലകളില്‍ വ്യാഴാഴ്ച റെഡ് അലേർട്ട് പ്രഖ്യാപിച്ചു.
ജൂണ്‍ 14 ന് കണ്ണൂർ, കാസർഗോഡ് എന്നീ രണ്ട് ജില്ലകളിലും ജൂണ്‍ 15 ന് അഞ്ച് ജില്ലകളിലും(മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ്) ജൂണ്‍ 16 ന് മൂന്ന് ജില്ലകളിലുമാണ് റെഡ് അലേർട്ട് പ്രഖ്യാപിച്ചിട്ടുള്ളത്.
ഇന്ന് കേരളത്തില്‍ വിവിധ ജില്ലകളില്‍ 20 സെന്റിമീറ്ററില്‍ കൂടുതല്‍ കനത്ത മഴ ലഭിക്കുമെന്നും സൂചനയുണ്ട്. ശക്തമായ കാറ്റും മോശം കാലാവസ്ഥയും കണക്കിലെടുത്ത് ജൂണ്‍ 12 മുതല്‍ 16 വരെ കേരള-കർണാടക-ലക്ഷദ്വീപ് തീരങ്ങളില്‍ മത്സ്യബന്ധനനത്തിനും വിലക്കേർപ്പെടുത്തിയിട്ടുണ്ട്.
