വീണ്ടും കുതിച്ചുയർന്ന് സ്വർണവില ; 360 രൂപ കൂടി ഈ മാസത്തെ ഏറ്റവും ഉയർന്ന നിരക്കിൽ 

സംസ്ഥാനത്തെ സ്വർണവിലയിൽ വീണ്ടും കുതിച്ചു ചാട്ടം. ഇന്നലെ 240 രൂപയുടെ കുറവ് രേഖപ്പെടുത്തിയ വിപണിയിൽ ഇന്ന് 360 രൂപയുടെ വർദ്ധനവാണ് ഉണ്ടായത്. ഇതോടെ പവൻ്റെ വില 64,520 രൂപയായി വർദ്ധിച്ചു. ഇന്ന് സ്വര്‍ണം ഗ്രാമിന് 45 രൂപയാണ് കൂടിയത്. ഒരു ഗ്രാം സ്വർണത്തിൻ്റെ വില ഇപ്പോഴും 8000 രൂപയ്ക്ക് മുകളിൽ തന്നെയാണ്. ഇന്ന് ഒരു ഗ്രാമിന് 8065 രൂപയാണ് നൽകേണ്ടത്.

106.9 രൂപയാണ് ഒരു ഗ്രാം വെള്ളിക്ക് നൽകേണ്ടത്. 1,06,900 രൂപയാണ് ഒരു കിലോ വെള്ളിയുടെ വില. രാജ്യാന്തര വിപണിയിലെ ചലനങ്ങൾക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.