ഹജ്ജ്: ആദ്യഗഡു നവംബർ 11 വരെ അടയ്ക്കാം
സംസ്ഥാന ഹജ്ജ് കമ്മിറ്റി മുഖേന ഹജ്ജിന് തിരഞ്ഞെടുക്കപ്പെട്ടവർക്ക് ആദ്യഗഡു പണം അടയ്ക്കാനുള്ള സമയ പരിധി 11-ലേക്ക് നീട്ടി. 30 വരെ യാണ് നേരത്തെ അനുവദിച്ചിരുന്നത്.
1,30,300 രൂപയാണ് ഒന്നാംഗഡുവായി അടക്കേണ്ടത്. ഓരോ കവർ നമ്പറിനും പ്രത്യേകം ലഭിക്കുന്ന പേ-ഇൻ സിപ്പ് ഡൗൺ ലോഡ് ചെയ്ത് സ്റ്റേറ്റ് ബാങ്ക് ഓഫ് ഇന്ത്യ അല്ലെങ്കിൽ യൂണിയൻ ബാങ്ക് ഓഫ് ഇന്ത്യ എന്നിവയുടെ ബ്രാഞ്ചിലോ, ഓൺലൈൻ ആയോ ആണ് പണം അടക്കേണ്ടത്. പണം അടച്ച് സ്ലിപ്പും അനുബന്ധ രേഖകളും 14-നകം സംസ്ഥാന ഹജ്ജ് കമ്മിറ്റിക്കു കൈമാറണം.
