സംസ്ഥാനത്ത് ഒക്ടോബർ നാലിന് ചരക്ക് ലോറികള്‍ പണിമുടക്കും
സംസ്ഥാനത്ത് ചരക്കു ലോറികള്‍ പണിമുടക്കും. വിവിധ ആവശ്യങ്ങള്‍ ഉന്നയിച്ച ഒക്ടോബർ നാലിനാണ് 24 മണിക്കൂർ സമരം. ഒരു ചരക്ക് ലോറിയും കേരള അതിർത്തിയില്‍ പ്രവേശിപ്പിക്കില്ലെന്ന് ലോറി ഉടമകളുടെ സംഘടന അറിയിച്ചു.
ഓണ്‍ലൈൻ കേസുകള്‍ എടുത്ത് ലോറി ഉടമകളെ ദ്രോഹിക്കുന്നുവെന്ന ആരോപണമാ ണ് അവർ പ്രധാനമായും ഉയർത്തുന്നത്.
മറ്റു സംസ്ഥാനങ്ങളെ അപേക്ഷിച്ച്‌ ഉയർന്ന ടാക്സ് ഇടാക്കുന്നു, ഡ്രൈവർമാർക്ക് വാഹനം പാർക്ക് ചെയ്ത് വിശ്രമിക്കുന്നതിനുള്ള സൗകര്യം സംസ്ഥാനത്ത് ഇല്ല, ഇഎസ്‌ഐ , പി എഫ് പദ്ധതികള്‍ ഡ്രൈവർമാർക്ക് നടപ്പാക്കണം തുടങ്ങി വിവിധ ആവശ്യങ്ങള്‍ ഉന്നയിച്ചാണ് സൂചന സമരം.
ചർച്ചകളിലൂടെ പ്രശ്നപരിഹാരം കണ്ടില്ലെങ്കില്‍ പൂർണ്ണമായും ചരക്ക് നീക്കം സ്തംഭിപ്പിക്കുമെന്ന് സംഘടന
ഭാരവാഹികള്‍ തൃശ്ശൂരില്‍ വാർത്താ സമ്മേളനത്തില്‍ അറിയിച്ചു. ഓള്‍ ഇന്ത്യ മോട്ടോർ ട്രാൻസ്പോർട്ട് കോണ്‍ഗ്രസ് ചെയർമാൻ ഡോ. ജി. ആർ ഷണ്‍മുഗപ്പ ,വൈസ് ചെയർമാൻ കെ.ടി ഷെമീർ,ഓള്‍ കേരള ലോറി ഓപ്പറേറ്റേഴ്സ് അസോസിയേഷൻ പ്രസിഡണ്ട് കെ. ജെ സ്റ്റാലിൻ,എ.ടി ജോണ്‍സണ്‍, ഷെബീർ, ശശികുമാർ എന്നിവർ വാർത്താ സമ്മേളനത്തില്‍ പങ്കെടുത്തു.
