വില്പനയ്ക്കായി വീട്ടിൽ സൂക്ഷിച്ച 6 ലിറ്റർ വിദേശ മദ്യവുമായി വയോധികൻ അറസ്റ്റിൽ
പടിഞ്ഞാറത്തറ : വില്‍പ്പനക്കായി സൂക്ഷിച്ച ഇന്ത്യന്‍ നിര്‍മിത വിദേശ മദ്യവുമായി വയോധികന്‍ അറസ്റ്റില്‍. കാവുംമന്ദം പൊയില്‍ കോളനിയിലെ രാമന്‍ (63) യാണ് എസ്.ഐ അബ്ദുള്‍ ഖാദറിന്റെ നേതൃത്വത്തില്‍ അറസ്റ്റ് ചെയ്തത്.
കാവുംമന്ദം പൊയില്‍ കോളനിയിലെ രാമന്റെ വീടിനുള്ളില്‍ നിന്നാണ് 750 മില്ലിയുടെ എട്ടു കുപ്പികളിലായി ആറു ലിറ്റര്‍ വിദേശ മദ്യം പിടിച്ചെടുത്തത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
എസ്.സി.പി.ഒ ദേവജിത്ത്, സി.പി.ഒമാരായ സജീര്‍, അര്‍ഷദ, അനുമോള്‍ എന്നിവരും പോലീസ് സംഘത്തിലുണ്ടായിരുന്നു.
