റെക്കോർഡ് വിലയിലേക്ക് ഉയർന്ന സ്വർണവില താഴേക്ക് : 13 ദിവസത്തിന് ശേഷം ഇന്ന് നേരിയ ഇടിവ്
1 min read
റെക്കോർഡ് വിലയിലേക്ക് ഉയർന്ന ശേഷം സ്വർണവില ഇന്ന് ഇടിഞ്ഞു. പതിമൂന്ന് ദിവസത്തിന് ശേഷമാണ് സ്വർണവില ഇന്ന് കുറഞ്ഞത്. ഡിസംബർ 17 മുതൽ സ്വർണവില മുകളിലേക്കാണ്. ഇന്ന് ഒരു പവൻ സ്വർണത്തിന് 280 രൂപ കുറഞ്ഞു. ഇതോടെ 47,000 ത്തിന് താഴേക്കെത്തി വില. ഒരു പവൻ സ്വർണത്തിന്റെ ഇന്നത്തെ വില 46,840 രൂപയാണ്.
ഒരു ഗ്രാം 22 കാരറ്റ് സ്വർണത്തിന്റെ വില ഇന്ന് 35 രൂപ കുറഞ്ഞു. വിപണി വില 5855 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വില 30 രൂപ കുറഞ്ഞു. വില 4845 രൂപയാണ്. വെള്ളിയുടെ വിലയും ഒരു രൂപ കുറഞ്ഞു. ഒരു ഗ്രാം സാധാരണ വെള്ളിയുടെ വില 80 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.
