സ്വർണവിലയിൽ വമ്പൻ കുതിപ്പ് : ഇന്ന് ഒറ്റയടിക്ക് 800 രൂപ കൂടി

സംസ്ഥാനത്ത് കുത്തനെ ഉയർന്ന് സ്വർണവില. ശനിയാഴ്ച മുതൽ ഇടിഞ്ഞ വില ഇന്ന് ഒറ്റയടിക്ക് 800 രൂപ ഉയർന്നു. ഇതോടെ വില വീണ്ടും 46000 കടന്നു. വിപണിയിൽ ഇന്ന് ഒരു പവൻ സ്വർണത്തിന്റെ വില 46,120 രൂപയാണ്.

കഴിഞ്ഞ അഞ്ച് ദിവസംകൊണ്ട് 820 രൂപയായിരുന്നു സ്വർണത്തിന് കുറഞ്ഞിട്ടുണ്ടായിരുന്നത്. ഒരു ഗ്രാം 22 കാരറ്റ് സ്വർണത്തിന്റെ വില ഇന്ന് 100 രൂപയാണ് ഉയർന്നത്. വിപണി വില 5765 രൂപയാണ്. 18 കാരറ്റ് സ്വർണത്തിന്റെ വില 90 രൂപ ഉയർന്നു. വില 4785 രൂപയുമാണ്

വെള്ളിയുടെ വിലയും കുത്തനെ ഉയർന്നിട്ടുണ്ട്, ഒരു ഗ്രാം സാധാരണ വെള്ളിയുടെ വില രണ്ട് രൂപ ഉയർന്നു. ഒരു ഗ്രാം സാധാരണ വെള്ളിയുടെ വില 79 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വിപണി വില 103 രൂപയാണ്.