കൽപ്പറ്റയിൽ ലോറിയും, കെഎസ്ആര്‍ടിസി ബസ്സും കൂട്ടിയിടിച്ചു ; 15 ഓളം പേര്‍ക്ക് പരിക്ക്
കല്‍പ്പറ്റ : കൈനാട്ടിക്ക് സമീപം ലോറിയും കെഎസ്ആര്‍ടിസി ബസും തമ്മില്‍ കൂട്ടിയിടിച്ച് പതിനഞ്ചോളം പേര്‍ക്ക് പരിക്കേറ്റു. നടവയലില്‍ നിന്നും രാവിലെ ചങ്ങനാശ്ശേരിയിലേക്ക് പോകുന്ന കെ എസ് ആര്‍ ടി സി ബസ്സാണ് ഇന്ന് രാവിലെ 6.45 ഓടെ അപകടത്തില്‍പ്പെട്ടത്.
ലോറി ഡ്രൈവര്‍ കര്‍ണാടക സ്വദേശി ചന്ദ്രന് കാലിന് ഗുരുതര പരിക്കേറ്റു. ലോറിയില്‍ കുടുങ്ങിപ്പോയ ഇദ്ധേഹത്തെ ഫയര്‍ഫോഴ്‌സെത്തിയാണ് രക്ഷിച്ചത്. ബസ് യാത്രികരായ ഷഹാന (21) പച്ചിലക്കാട്, ഫ്രാന്‍സിസ് (76) നടവയല്‍, നീനു (30) പള്ളിക്കുന്ന്, ഉഷാ ഭായ് പനമരം, നസീമ മില്ലുമുക്ക്, മണികണ്ഠന്‍ കമ്പളക്കാട്, ആയിഷ, ബസ് ഡ്രൈവര്‍ കോട്ടയം സ്വദേശി ബാവന്‍, കണ്ടക്ടര്‍ അരുണ്‍, വിനീത പുല്‍പ്പള്ളി എന്നിവര്‍ പരിക്കുകളോടെ കല്‍പ്പറ്റ ലിയോ ആശുപത്രിയിലും, നാല് പേര്‍ കല്‍പ്പറ്റ ജനറല്‍ ആശുപത്രിയിലും ചികിത്സ തേടി. ഇവരുടെ പരിക്ക് സാരമുള്ളതല്ലെന്നാണ് ലഭ്യമായ വിവരം.
