കാട്ടുപന്നിയുടെ ആക്രമണത്തിൽ പത്രവിതരണക്കാരനായ യുവാവിന് പരിക്ക്

മാനന്തവാടി : പത്രം വിതരണം ചെയ്യാൻ പോയ യുവാവിന്‌ കാട്ടുപന്നിയുടെ ആക്രമണത്തിൽ ഗുരുതര പരിക്ക്. തൃശ്ശിലേരി കുളിരാനിയിൽ ജോജി (23) ക്കാണ് പരിക്കേറ്റത്. ഇന്ന് രാവിലെ 6.15 നാണ് സംഭവം. രാവിലെ പത്രം വിതരണം ചെയ്യാൻ ബൈക്കിൽ യാത്ര ചെയ്യുന്നതിനിടയിലാണ് തൃശ്ശിലേരി കാറ്റാടി കവലയ്ക്ക് സമീപം വച്ച് കാട്ടുപന്നി ആക്രമണമുണ്ടായത്. പന്നിയുടെ ആക്രമണത്തിൽ വാഹനത്തിൻ നിന്ന് തെറിച്ച് വീണ ജോജിയെ അലർച്ചകേട്ട് എത്തിയ ആളുകളാണ് രക്ഷിച്ച് മാനന്തവാടി മെഡിക്കൽ കോളേജിൽ എത്തിച്ചത്.