മാനന്തവാടിയിൽ ഓട്ടോറിക്ഷ ഗുമ്മട്ടി കടയിലേക്ക് ഇടിച്ചു കയറി ; 8 പേര്‍ക്ക് പരിക്കേറ്റു
മാനന്തവാടി : മാനന്തവാടി – മൈസൂര്‍ റോഡില്‍ കോ- ഓപ്പറേറ്റീവ് കോളേജിന് സമീപം നിയന്ത്രണം വിട്ട ഓട്ടോറിക്ഷ ഗുമ്മട്ടി കടയിലേക്ക് ഇടിച്ചു കയറി മറിഞ്ഞ് വിദ്യാര്‍ഥികളടക്കം 8 പേര്‍ക്ക് പരിക്കേറ്റു.
കോ-ഓപ്പറേറ്റീവ് കോളേജ് മൂന്നാം വര്‍ഷ ബികോം വിദ്യാര്‍ത്ഥികളായ രഞ്ജിഷ രമേശന്‍ (ബാവലി), നുസ്രത്ത് സി.എന്‍ (ബാവലി), പി.പ്രകൃതി (ഇരുമ്പുപാലം), സോന ഷാജു ( കമ്മന), അനിത ജി.പി (തരുവണ ), റിധിഷ കെ.ടി (ഇരുമ്പുപാലം) എന്നിവര്‍ക്കും, ഗുമ്മട്ടി കടയുടമ നൗഫലിന്റെ ഭാര്യ ആറാട്ടുതറ കച്ചിപുറത്ത് ജുബൈരിയത്ത് ( 35 ), ഓട്ടോ ഡ്രൈവര്‍ വരടിമൂല ഇരുമുളംകാട്ടില്‍ വി.എ ബിജു (47) എന്നിവര്‍ക്കാണ് പരിക്കേറ്റത്. എല്ലാവരും വയനാട് മെഡിക്കല്‍ കോളേജില്‍ ചികിത്സ തേടി. ആരുടെയും പരുക്ക് ഗുരുതരമല്ല.
ഇന്നുച്ചയോടെയായിരുന്നു അപകടം. ശാരീരിക വൈകല്യമുള്ള ദമ്പതികളായ നൗഫലിനും, ജുബൈരിയത്തിനും മാനന്തവാടി നഗരസഭ ഉപജീവനമാര്‍ഗത്തിനായി നല്‍കിയ ഗുമ്മട്ടി കടയും അപകടത്തില്‍ ഭാഗികമായി തകര്‍ന്നിട്ടുണ്ട്.
