April 3, 2025

മേപ്പാടിയിൽ കാറും സ്വകാര്യ ബസ്സും കൂട്ടിയിടിച്ച് 7 പേര്‍ക്ക് പരിക്ക്

Share

 

മേപ്പാടി : ചുണ്ടേല്‍ റോഡില്‍ മേപ്പാടി പഞ്ചായത്ത് ഓഫീസിന് മുന്‍വശത്തായി കാറും സ്വകാര്യ ബസ്സും കൂട്ടിയിടിച്ച് 7 പേര്‍ക്ക് പരിക്ക്. വൈകുന്നേരം 4.15 ഓടെ ആയിരുന്നു അപകടം. പരിക്കേറ്റവരെ മേപ്പാടിയിലെ സ്വകാര്യ മേഡിക്കല്‍ കോളേജിലും മേപ്പാടി കുടുംബാരോഗ്യ കേന്ദ്രത്തിലും പ്രവേശിപ്പിച്ചു.

 

മേപ്പാടി ഭാഗത്തേക്ക് വരികയായിരുന്ന മലപ്പുറം തിരൂര്‍ സ്വദേശികളുടെ കെ.എല്‍.10 ബി.ബി 110 നമ്പര്‍ ഇന്നോവ കാര്‍ ചുണ്ടേല്‍ ഭാഗത്തേക്ക് പോവുകയായിരുന്ന ടീ പീസ് ബസ്സില്‍ ചെന്നിടിക്കുകയായിരുന്നു. സ്ത്രീകളും കുട്ടികളുമടക്കം കാറില്‍ യാത്രക്കാരായുണ്ടായിരുന്ന 7 പേര്‍ക്ക് പരിക്കേറ്റിട്ടുണ്ട്. ആരുടെയും പരിക്ക് ഗുരുതരമല്ലെന്ന് ദൃക്സാക്ഷികള്‍ പറഞ്ഞു. ഇവരെ അരപ്പറ്റ സ്വകാര്യ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. അതോടൊപ്പം ബസ്സിലുണ്ടായിരുന്ന കുന്നമ്പറ്റ സ്വദേശിനി ആശാ വര്‍ക്കറായ മിനിക്ക് കാലില്‍ മുറിവേറ്റിട്ടുണ്ട്.ഇവരെയും അരപ്പറ്റ സ്വകാര്യ ആശുപത്രിയില്‍ പ്രവേശിപ്പിച്ചു.ബസ്സിലുണ്ടായിരുന്ന മറ്റ് രണ്ട് പേര്‍ക്കു കൂടി നിസ്സാര പരിക്കേറ്റിട്ടുണ്ട്.മേപ്പാടി പോലീസ് സ്ഥലത്തെത്തി അനന്തര നടപടികള്‍ സ്വീകരിച്ചു.കാറിന്റെ ഡ്രൈവര്‍ ഉറങ്ങിപ്പോയതാണ് അപകട കാരണമായി പറയുന്നത്.

 

 


Share

Leave a Reply

Your email address will not be published. Required fields are marked *

Copyright © All rights reserved. | Newsphere by AF themes.