പ്രമാദമായ കേസുകളിലെ പ്രതിയായ വയനാട് സ്വദേശിയെ കാപ്പ ചുമത്തി ജയിലിലടച്ചു
മാനന്തവാടി : എടവകയിലെ ഗര്‍ഭസ്ഥ ശിശുവിനേയും, മാതാവിനേയും വിഷം കൊടുത്ത് കൊല്ലുകയും, മാനസിക അസ്വാസ്ഥ്യമുള്ള യുവതിയെ പീഡിപ്പിക്കാന്‍ ശ്രമിക്കുകയും ചെയ്ത പ്രമാദമായ കേസുകളിലെ പ്രതിയായ വാളേരി പുതുപറമ്പില്‍ റഹീം (54) നെ കരുതല്‍ തടങ്കല്‍ നിയമപ്രകാരം മാനന്തവാടി എസ്എച്ച്ഒ എം.എം അബ്ദുള്‍ കരീമിന്റെ നേതൃത്വത്തില്‍ അറസ്റ്റ് ചെയ്തു ജയിലിലടച്ചു.
ഇയാള്‍ക്കെതിരെ മാനന്തവാടി പോലീസ് സ്റ്റേഷനില്‍ മാത്രം 7 ഓളം കേസുകള്‍ രജിസ്റ്റര്‍ ചെയ്തിട്ടുണ്ട്. എടവകയിലെ കൊലപാതകത്തിന് ശേഷം ഏഴ് മാസത്തോളം ജയിലിലായിരുന്ന ഇയ്യാള്‍ ജാമ്യത്തില്‍ പുറത്തിറങ്ങിയ ശേഷവും അടിപിടിക്കേസില്‍ പ്രതിയായതോടെയാണ് കാപ്പ ചുമത്തി ജയിലിലടച്ചത്.
