മൂന്ന് ദിവസത്തിനു ശേഷം കുതിച്ചുയർന്ന് സംസ്ഥാനത്തെ സ്വർണ വില

വീണ്ടും കുതിച്ചുയർന്ന് സംസ്ഥാനത്തെ സ്വർണവില. മൂന്ന് ദിവസം മാറ്റമില്ലാതെ തുടർന്ന ശേഷമാണ് ഇന്ന് വില ഉയർന്നത്. ഗ്രാമിന് 35 രൂപയും പവന് 280 രൂപയും ഉയർന്ന് ഗ്രാമിന് 4,855 രൂപയും പവന് 38,840 രൂപയുമാണ് ചൊവ്വാഴ്ച രേഖപ്പെടുത്തിയിരിക്കുന്നത്. ഈ മാസത്തെ ഏറ്റവും ഉയർന്ന നിരക്കാണിത്.

കഴിഞ്ഞ ആഴ്ചയ്ക്ക് ശേഷം സംസ്ഥാനത്ത് സ്വർണവില ഉയരുന്ന പ്രവണതയാണ് കാണുന്നത്. ഒരാഴ്ച കൊണ്ട് സ്വർണവിലയിൽ ഉണ്ടായ വർധന ഗ്രാമിന് 245 രൂപയും പവന് 1,960 രൂപയുമാണ്. ഈ മാസം രേഖപ്പെടുത്തിയ ഏറ്റവും കുറഞ്ഞ നിരക്ക് നവംബർ 4 ന് രേഖപ്പെടുത്തിയ ഗ്രാമിന് 4,610 രൂപയും പവന് 36,880 രൂപയുമാണ്.