രാജ്യത്ത് 1,957 പേർക്ക് കൂടി കോവിഡ് സ്ഥിരീകരിച്ചു ; 8 മരണം
1 min read
ഇന്ത്യയിൽ 1,957 പുതിയ കൊവിഡ് കേസുകൾ കൂടി റിപ്പോർട്ട് ചെയ്തു. ഇതോടെ മൊത്തം കോവിഡ് കേസുകളുടെ എണ്ണം 4,46,16,394 ആയി. സജീവ കേസുകൾ 28,079 ൽ നിന്ന് 27,374 ആയി കുറഞ്ഞുവെന്ന് കേന്ദ്ര ആരോഗ്യ മന്ത്രാലയം ചൊവ്വാഴ്ച അറിയിച്ചു.
കേരളത്തിലെ മൂന്ന് പേർ ഉൾപ്പെടെ രാജ്യത്ത് എട്ട് പുതിയ കൊവിഡ് മരണങ്ങൾ റിപ്പോർട്ട് ചെയ്തു. മൊത്തം മരണസംഖ്യ 5,28,822 ആയി.
മൊത്തം അണുബാധകളുടെ 0.06 ശതമാനവും സജീവമായ കേസുകളാണ്. അതേസമയം ദേശീയ കോവിഡ് വീണ്ടെടുക്കൽ നിരക്ക് 98.75 ശതമാനമായി ഉയർന്നതായി മന്ത്രാലയം അറിയിച്ചു.