രാജ്യത്തെ കൊവിഡ് കേസുകൾ 133 ദിവസത്തിനിടയിലെ ഏറ്റവും താഴ്ന്ന നിലയിൽ ; 24 മണിക്കൂറിനിടെ രോഗം ബാധിച്ചത് 1,968 പേർക്ക് : 15 മരണം 

ഇന്ത്യയിൽ 1,968 പുതിയ കൊവിഡ് കേസുകൾ കൂടി രേഖപ്പെടുത്തി. 133 ദിവസത്തിനിടയിലെ ഏറ്റവും താഴ്ന്ന കണക്കാണിത്. ഇതോടെ 4,45,99,466 ആയി ഉയർന്നു. മെയ് 23ന് 1,675 കേസുകളാണ് റിപ്പോർട്ട് ചെയ്തത്. തുടർന്ന് കേസുകളിൽ വർധനവായിരുന്നു.

അതേസമയം സജീവ കേസുകൾ 34,598 ആയി കുറഞ്ഞുവെന്ന് കേന്ദ്ര ആരോഗ്യ മന്ത്രാലയം ചൊവ്വാഴ്ച അറിയിച്ചു. 15 മരണങ്ങളോടെ മരണസംഖ്യ 5,28,716 ആയി ഉയർന്നു, ഇതിൽ കേരളത്തിൽ നിന്നുള്ള എട്ട് മരണങ്ങളും ഉൾപ്പെടും.

മൊത്തം അണുബാധകളുടെ 0.08 ശതമാനവും സജീവമായ കേസുകളാണ്. അതേസമയം ദേശീയ കോവിഡ് വീണ്ടെടുക്കൽ നിരക്ക് 98.74 ശതമാനമായി ഉയർന്നതായി ആരോഗ്യ മന്ത്രാലയം അറിയിച്ചു.