മണ്ണെണ്ണയ്ക്കുള്ള എല്ലാ സബ്സിഡികളും കേന്ദ്ര സര്‍ക്കാര്‍ നിര്‍ത്തലാക്കി
മണ്ണെണ്ണയ്ക്കുള്ള എല്ലാ സബ്സിഡികളും കേന്ദ്ര സര്‍ക്കാര്‍ നിര്‍ത്തലാക്കി
ന്യൂഡല്‍ഹി: 2019-20 ല്‍ മണ്ണെണ്ണ സബ്സിഡി പൂര്‍ണമായും നിര്‍ത്തിവച്ചതായി കേന്ദ്ര സര്‍ക്കാരിന്റെ കണക്കുകള്‍ വ്യക്തമാക്കുന്നു. മത്സ്യബന്ധനത്തിനുള്ള മണ്ണെണ്ണ സബ്സിഡി സംബന്ധിച്ച്‌
സി.പി.ഐ.എം എം.പി വി. ശിവദാസന്‍ രാജ്യസഭയില്‍ ഉന്നയിച്ച ചോദ്യത്തിന് മറുപടി പറയുകയായിരുന്നു പെട്രോളിയം സഹമന്ത്രി രാമേശ്വര്‍ തേലി.
മത്സ്യത്തൊഴിലാളികള്‍ക്കും സാധാരണക്കാര്‍ക്കും മണ്ണെണ്ണ സബ്സിഡി നിഷേധിച്ച കേന്ദ്ര സര്‍ക്കാര്‍ തീരുമാനം അപലപനീയമാണെന്ന് സിപിഎം സംസ്ഥാന കമ്മിറ്റി അംഗം വി. ശിവദാസന്‍ എം.പി പറഞ്ഞു.
2017-18ല്‍ 4,672 കോടി രൂപയുടെ സബ്സിഡി മണ്ണെണ്ണയായിരുന്നു. ഇത് 2018-19 ല്‍ 5,950 കോടി രൂപയായി ഉയര്‍ന്നു. എന്നാല്‍ 2019-20 ല്‍ ഇത് 1,833 കോടി രൂപ മാത്രമായിരുന്നു. 2020-21, 2021-22 വര്‍ഷങ്ങളില്‍ സബ്സിഡി പൂജ്യമായിരുന്നു. 2019-20 ഓടെ ബാങ്ക് അക്കൗണ്ടുകളിലേക്കുള്ള നേരിട്ടുള്ള സബ്സിഡിയും നിര്‍ത്തലാക്കി. 2017-18ല്‍ ഇത് 113 കോടി രൂപയായിരുന്നു. 2018-19ല്‍ ഇത് 98 കോടിയായി കുറഞ്ഞു. എന്നാല്‍ 2019-20 ല്‍ ഇത് വെറും 42 കോടി രൂപ മാത്രമായിരുന്നു. 2020-21, 2021-22 വര്‍ഷങ്ങളില്‍ ഒരു രൂപ പോലും ബാങ്ക് അക്കൗണ്ടിലേക്ക് മാറ്റിയിരുന്നില്ല.
