തുണിത്തരങ്ങള്‍ക്ക് 30 ശതമാനം റിബേറ്റ് ; മാനന്തവാടിയില്‍ ഓണം ഖാദിമേള നാളെ മുതല്‍
1 min read
മാനന്തവാടി : കേരള ഖാദി ഗ്രാമ വ്യവസായ ബോര്‍ഡും അംഗീകൃത ഖാദി സ്ഥാപനങ്ങളും ചേര്‍ന്ന് മാനന്തവാടി ബ്ലോക്ക് പഞ്ചായത്ത് ബില്‍ഡിംഗില്‍ സംഘടിപ്പിക്കുന്ന ഓണം സ്പെഷ്യല്‍ ഖാദി മേള ഒ.ആര്‍ കേളു എംഎല്‍എ നാളെ (ഞായര്‍) രാവിലെ 11 ന് ഉദ്ഘാടനം ചെയ്യും.
ബ്ലോക്ക് പഞ്ചായത്ത് പ്രസിഡണ്ട് ജസ്റ്റിന്‍ ബേബി അധ്യക്ഷത വഹിക്കും. മാനന്തവാടി നഗരസഭ ചെയര്‍പേഴ്സണ്‍ സി.കെ രത്നവല്ലി ആദ്യവില്‍പ്പന നിര്‍വഹിക്കും. സെപ്തംബര്‍ 7 വരെയാണ് മേള നടക്കുക. ഓണം ഖാദി മേളയില്‍ തുണിത്തരങ്ങള്‍ക്ക് 30 ശതമാനം ഗവ. റിബേറ്റ് ലഭിക്കും.
