അതിമാരക മയക്കുമരുന്നായ എം.ഡി.എം.എയുമായി യുവതി പിടിയിൽ
സുൽത്താൻ ബത്തേരി : അതിമാരക മയക്കുമരുന്നായ 5.55 ഗ്രാം എം.ഡി.എം.എ യുമായി യുവതി പിടിയിൽ. ബീനാച്ചിയിൽ എക്സൈസ് നടത്തിയ വാഹന പരിശോധനയിലാണ് കോഴിക്കോട് മൈസൂർ കെഎസ്ആർടിസി ബസ്സിലെ യാത്രക്കാരിയിൽ നിന്നും എംഡിഎംഎ പിടികൂടിയത്.
മേപ്പാടി നെല്ലിമുണ്ട പാറമ്മൽ വീട്ടിൽ പി.റഹീന (27) ആണ് പിടിയിലായത്. എക്സൈസ് സർക്കിൾ ഇൻസ്പെക്ടർ എസ്. അശോക കുമാറിന്റെ നേതൃത്വത്തിലായിരുന്നു പരിശോധന നടത്തിയത്.
പ്രിവന്റീവ് ഓഫീസർ അജീഷ്.ടി.ബി, സിവിൽ എക്സൈസ് ഓഫീസർമാരായ ശശികുമാർ. പി.എൻ, മാനുവൽ ജിംസൻ, വനിതാ സിവിൽ എക്സൈസ് ഓഫീസർ ശ്രീജ മോൾ.പി. എൻ, ബാലചന്ദ്രൻ.കെ. കെ എന്നിവരും പരിശോധന സംഘത്തിലുണ്ടായിരുന്നു.