ഇന്ത്യൻ ഓവർസീസ് ബാങ്കില്‍ 127 ഒഴിവുകൾ : ഒക്ടോബർ 3 വരെ അപേക്ഷിക്കാം
ഇന്ത്യൻ ഓവർസീസ് ബാങ്കില്‍ വിവിധ തസ്തികകളില്‍ ജോലി നേടാൻ സുവർണാവസരം. സ്‌പെഷില്യസ്റ്റ് ഓഫീസർ തസ്തികയിലേക്ക് 127 ഒഴിവുകളാണ് വന്നിരിക്കുന്നത്. അടുത്ത മാസം മൂന്ന് വരെ അപേക്ഷിക്കാൻ അവസരമുണ്ട്. താല്‍പര്യമുളള ഉദ്യോഗാർത്ഥികള്‍ ഇന്ത്യൻ ഓവർസീസ് ബാങ്കിന്റെ ഔദ്യോഗിക വെബ്‌സൈറ്റില്‍ പ്രവേശിച്ച്‌ അപേക്ഷ സമർപ്പിക്കാവുന്നതാണ്.
അംഗീകൃത സർവകലാശാലയില്‍ നിന്ന് ബിഇ,ബിടെക്, ബി ആർക്, എംഇ, എംടെക്, എംബിഎ,എംസിഎ, പിജിഡിസിഎ എന്നിവയില്‍ ബിരുദം നേടിയവർക്ക് അപേക്ഷിക്കാം. 24നും 40 ഇടയില്‍ പ്രായമുളളവരാണ് അപേക്ഷിക്കേണ്ടത്. എസ് സി, എസ് ടി, ഒബിസി വിഭാഗത്തില്‍പ്പെട്ട ഉദ്യോഗാർത്ഥികള്‍ക്ക് പ്രായത്തില്‍ ഇളവുണ്ട്. ഉദ്യോഗാർത്ഥികള്‍ ആദ്യഘട്ടമെന്ന നിലയില്‍ ഓണ്‍ലൈൻ പരീക്ഷയുണ്ടായിരിക്കും. 100 മാർക്കിനായിരിക്കും പരീക്ഷ.
ജനറല്‍ വിഭാഗത്തില്‍പ്പെട്ട ഉദ്യോഗാർത്ഥികള്‍ക്ക് 35 ശതമാനം മാർക്കും സംവരണവിഭാഗത്തില്‍പ്പെട്ട ഉദ്യോഗാർത്ഥികള്‍ക്ക് 30 ശതമാനം മാർക്കും ആവശ്യമാണ്. പരീക്ഷയില്‍ വിജയിക്കുന്നവർക്ക് പ്രത്യേക അഭിമുഖം ഉണ്ടായിരിക്കും. അവസാനഘട്ടമെന്ന നിലയില്‍ ഡോക്യുമെന്റ് വെരിഫിക്കേഷൻ ഉണ്ടായിരിക്കും. പരീക്ഷയില്‍ നെഗറ്റീവ് മാർക്ക് ഉണ്ടായിരിക്കുന്നതല്ല. ജനറല്‍, ഒബിസി,ഇഡബ്ലുഎസ് വിഭാഗത്തില്‍പ്പെട്ട ഉദ്യോഗാർത്ഥികള്‍ അപേക്ഷയോടൊപ്പം 1000 രൂപയും എസ് സി,എസ് ടി വിഭാഗത്തില്‍പ്പെട്ട ഉദ്യോഗാർത്ഥികള്‍ അപേക്ഷയോടൊപ്പം 175 രൂപ ഫീസായി അടയ്‌ക്കേണ്ടതുണ്ട്. തിരഞ്ഞെടുക്കപ്പെടുന്നവർക്ക് മാസം തോറും 64,820 മുതല്‍ 93,960 രൂപ വരെ ശമ്ബളമായി ലഭിക്കും. കൂടുതല്‍ വിവരങ്ങള്‍ ഔദ്യോഗിക സൈറ്റില്‍ വിശദമായി നല്‍കിയിട്ടുണ്ട്.
