സ്വര്‍ണവില പതിയെ താഴോട്ട് ; ഇന്നും നേരിയ ഇടിവ്
സ്വർണവില കുറഞ്ഞു. ശനിയാഴ്ചയും ഇന്നുമായി 80 രൂപ വീതമാണ് പവന് കുറഞ്ഞത്. ഞായറാഴ്ച വിലയില്‍ മാറ്റമുണ്ടായില്ല. ഇതോടെ ഇന്ന് പവന് 65,680 രൂപയും ഗ്രാമിന് 8,210 രൂപയുമായി. ശനിയാഴ്ച അന്താരാഷ്ട്ര സ്വർണ വില ട്രായ് ഔണ്‍സിന് 3000 ഡോളർ എത്തിയിരുന്നു.
സർവകാല റെക്കോഡ് സൃഷ്ടിച്ച വെള്ളിയാഴ്ച ഗ്രാമിന് 110 രൂപയാണ് ഒറ്റയടിക്ക് കൂടിയത്. 8,230 രൂപയായിരുന്നു ഗ്രാം വില. പവന് 880 രൂപ കൂടി 65,840 രൂപയായിരുന്നു അന്നത്തെ വില. ഒരു പവൻ സ്വർണം ഏറ്റവും കുറഞ്ഞ പണിക്കൂലിയില്‍ വാങ്ങണമെങ്കില്‍ 71,500 രൂപയോളം നല്‍കേണ്ടിവരും. 18 കാരറ്റ് സ്വർണവില 6760 രൂപയായി. ഗ്രാമിന് 110 രൂപയാണ് വെള്ളി വില.
