സ്വര്‍ണവില വീണ്ടും ഉയര്‍ന്നു ; 2 ദിവസത്തിനിടെ പവന് കൂടിയത് 640 രൂപ
സംസ്ഥാനത്ത് സ്വർണവില വീണ്ടും ഉയർന്നു. ഇന്ന് 22 കാരറ്റ് സ്വർണത്തിന് ഗ്രാമിന് 30 രൂപയും പവന് 240 രൂപയുമാണ് വർധിച്ചത്. ഇതോടെ 22 കാരറ്റ് സ്വർണത്തിന്റെ വില ഗ്രാമിന് 7970 രൂപയിലും പവന് 63,760 രൂപയിലുമെത്തി. 18 കാരറ്റ് സ്വർണത്തിനും വില കൂടിയിട്ടുണ്ട്. ഗ്രാമിന് 20 രൂപയും പവന് 160 രൂപയുമാണ് വർധന. 18 കാരറ്റ് സ്വർണത്തിന് ഗ്രാമിന് 6555 രൂപയും പവന് 52,440 രൂപയുമാണ് നിരക്ക്. അതേസമയം വെള്ളി വിലയില്‍ മാറ്റമില്ല. സാധാരണ വെള്ളിയുടെ വില ഗ്രാമിന് 107 രൂപയില്‍ തുടരുന്നു.
തുടർച്ചയായ രണ്ടാം ദിവസമാണ് സ്വർണവിലയില്‍ കുതിപ്പ് രേഖപ്പെടുത്തുന്നത്. രണ്ടു ദിവസത്തിനിടെ പവന് 640 രൂപയാണ് വർധിച്ചത്. തിങ്കളാഴ്ച (17.02.2025) 22 കാരറ്റ് സ്വർണത്തിന് ഗ്രാമിന് 50 രൂപയും പവന് 400 രൂപയുമാണ് വർധിച്ചത്. 22 കാരറ്റ് സ്വർണത്തിന്റെ വില ഗ്രാമിന് 7940 രൂപയും പവന് 63520 രൂപയുമായിരുന്നു. 18 കാരറ്റ് സ്വർണത്തിന് ഗ്രാമിന് 45 രൂപയും പവന് 360 രൂപയുമാണ് തിങ്കളാഴ്ച വർധനയുണ്ടായത്. 18 കാരറ്റ് സ്വർണത്തിന്റെ വില ഗ്രാമിന് 6535 രൂപയും പവന് 52280 രൂപയുമായിരുന്നു. തിങ്കളാഴ്ചയും വെള്ളിയുടെ വിലയില്‍ മാറ്റമില്ലായിരുന്നു.
അതേസമയം ശനിയാഴ്‌ച സ്വർണ വിലയില്‍ ഇടിവുണ്ടായിരുന്നു. 22 കാരറ്റ് സ്വർണത്തിന് ഗ്രാമിന് 100 രൂപയും പവന് 800 രൂപയുമായിരുന്നു കുറഞ്ഞത്. ഇതോടെ 22 കാരറ്റ് സ്വർണത്തിൻ്റെ വില ഗ്രാമിന് 7890 രൂപയും പവന് 63120 രൂപയുമായി താഴ്ന്നിരുന്നു. 18 കാരറ്റ് സ്വർണത്തിനും വില കുറഞ്ഞിരുന്നു. ഗ്രാമിന് 90 രൂപയും പവന് 720 രൂപയുമാണ് കുറഞ്ഞത്. 18 കാരറ്റ് സ്വർണത്തിന് ഗ്രാമിന് 6495 രൂപയും പവന് 51960 രൂപയുമായിരുന്നു നിരക്ക്.
