സഹകരണസംഘം/ബാങ്കുകളിൽ ജോലി ഒഴിവ് : നവംബർ 10 വരെ അപേക്ഷിക്കാം
സംസ്ഥാനത്തെ വിവിധ സഹകരണസംഘം/ബാങ്കുകളിൽ ഒഴിവുള്ള തസ്തികകളിലേക്ക് സഹകരണ സർവീസ് പരീക്ഷാ ബോർഡ് വിജ്ഞാപനം പ്രസിദ്ധീ കരിച്ചു. 107 ഒഴിവുണ്ട്. ഇതിൽ 88 ഒഴിവ് ജൂനിയർ ക്ലാർക്ക് കാഷ്യർ തസ്തികയിലാണ്. സെക്രട്ടറി -4, അസിസ്റ്റൻ്റ് സെക്ര ട്ടറി/ചീഫ് അക്കൗണ്ടന്റ്റ് -6, സിസ്റ്റം അഡ്മിനിസ്ട്രേറ്റർ -4, ഡേറ്റാ എൻട്രി ഓപ്പറേറ്റർ -4, ടൈപ്പിസ്റ്റ് -1 എന്നിങ്ങനെയാ ണ് മറ്റ് തസ്തികകളിലെ ഒഴിവുകളുടെ എണ്ണം.
നേരിട്ടുള്ള നിയമനമാണ്. പരീക്ഷാബോർഡ് നടത്തുന്ന ഓൺലൈൻ പരീക്ഷയുടെയും ബന്ധപ്പെട്ട സഹകരണ സ്ഥാപനങ്ങൾ നടത്തുന്ന അഭിമുഖത്തിൻ്റെയും അടിസ്ഥാനത്തിൽ പരീക്ഷാ ബോർഡ് തയ്യാറാക്കുന്ന റാങ്ക് ലിസ്റ്റ് പ്രകാരമായിരിക്കും നിയമനം.
ബന്ധപ്പെട്ട സഹകരണസംഘം/ ബാങ്കുകളാണ് നിയമനാധികാരി. ഒറ്റത്തവണ രജിസ്ട്രേഷൻ നടത്തിയിട്ടില്ലാത്തവർ ഇത് പൂർത്തിയാക്കിയതിനുശേഷവും നിലവിൽ രജിസ്റ്റർ ചെയ്തിട്ടുള്ള ഉദ്യോഗാർഥികൾ അവരുടെ പ്രൊഫൈലിലൂടെയും അപേക്ഷിക്കണം. വിവരങ്ങൾക്ക്: www.cseb.kerala.gov.in അവസാനതീയതി: നവംബർ 10
