ഇന്ന് കൂടിയത് 640 രൂപ : സര്‍വ്വകാല റെക്കോര്‍ഡ് ഭേദിച്ച്‌ സംസ്ഥാനത്തെ സ്വര്‍ണവില
കേരളത്തിലെ സ്വർണ്ണവില സർവ്വകാല റെക്കോർഡുകള്‍ ഭേദിച്ച്‌ മുന്നേറുകയാണ്. പവന് 640 രൂപ കൂടി 79,560 രൂപ എന്ന നിലയിലും, ഗ്രാമിന് 80 രൂപ കൂടി 9945 രൂപ എന്ന നിലയിലുമാണ് വിപണിയില്‍ ഇന്ന് വ്യാപാരം പുരോഗമിക്കുന്നത്.
രാജ്യാന്തര വിപണിയിലെ ചലനങ്ങള്‍ക്ക് അനുസരിച്ചാണ് രാജ്യത്ത് സ്വർണവില നിശ്ചയിക്കപ്പെടുന്നത്. ഡോളർ – രൂപ വിനിമയ നിരക്ക്, ഇറക്കുമതി തീരുവ എന്നിവയും സ്വർണവിലയെ സ്വാധീനിക്കുന്ന ഘടകങ്ങളാണ്.
നിലവില്‍ ലോകത്തെ ഏറ്റവും വലിയ സ്വർണ ഉപഭോക്താക്കളാണ് ഇന്ത്യ. ഓരോ വർഷവും ടണ്‍ കണക്കിന് സ്വർണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില്‍ സംഭവിക്കുന്ന ചെറിയ ചലനങ്ങള്‍ പോലും അടിസ്ഥാനപരമായി ഇന്ത്യയിലെ സ്വർണവിലയില്‍ പ്രതിഫലിക്കും.
