സംസ്ഥാനത്ത് സ്വര്‍ണവിലയില്‍ വൻ കുതിപ്പ് : ഇന്ന് ഒറ്റയടിക്ക് 400 രൂപ കൂടി
സംസ്ഥാനത്ത് ഇന്ന് സ്വർണവില ഉയർന്നു. പവന് 400 രൂപയാണ് ഇന്ന് വർദ്ധിച്ചത്. ഇന്നലെ 80 രൂപ പവന് കുറഞ്ഞിരുന്നു. ഇന്ന് ഒരു പവൻ 22 കാരറ്റ് സ്വർണത്തിന്റെ വില 74,840 രൂപയാണ്. നിലവില്‍ ഒരു പവൻ സ്വർണം ഏറ്റവും കുറഞ്ഞ പണിക്കൂലിയില്‍ വാങ്ങണമെങ്കില്‍ 81,000 രൂപ നല്‍കേണ്ടി വരും.
കേരളത്തില്‍, ഒരു ഗ്രാം 22 കാരറ്റ് സ്വർണത്തിൻ്റെ വില 9355 ആണ്. ഒരു ഗ്രാം 18 കാരറ്റ് സ്വർണത്തിൻ്റെ വില 7680 ആണ്. 14 കാരറ്റ് സ്വർണത്തിൻ്റെ വില 5980 ആണ്. വെള്ളിയുടെ വിലയും കുതിച്ചു. ഒരു ഗ്രാം 916 ഹാള്‍മാർക്ക് വെള്ളിയുടെ ഇന്നത്തെ വിപണി വില 126 രൂപയാണ്.
ഫെഡറല്‍ റിസർവ് ഗവർണർ ലിസ കുക്കിനെ സ്ഥാനത്തു നിന്ന നീക്കുമെന്ന് യുഎസ് പ്രസിഡന്റ് ഡൊണാള്‍ഡ് ട്രംപ് പറഞ്ഞതിനെത്തുടർന്ന് ഡോളർ വില ഇടിഞ്ഞിരുന്നു. ഇത് സ്വർണവിലയെ ഉയർത്തി.
