രണ്ടര വയസുകാരിയെ പീഡിപ്പിച്ചയാൾ പിടിയിൽ
മാനന്തവാടി : രണ്ടര വയസുകാരിയെ പീഡിപ്പിച്ച സംഭവത്തിലെ പ്രതി പിടിയിൽ. മാനന്തവാടി സ്വദേശി അതുൽരാജിനെയാണ് മാനന്തവാടി എസ്എച്ച്ഒ പി. റഫീഖിന്റെ നേതൃത്വത്തിൽ അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാന്റ്റ് ചെയ്തു
രണ്ട് മാസം മുൻപാണ് രണ്ടര വയസ്സുകാരി പീഡനത്തിന് വിധേയയായത്. ശാരീരിക പ്രശ്‌നങ്ങളെ തുടർന്ന് കുട്ടിയെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു. തുടർന്ന് നടത്തിയ പരിശോധനയിലാണ് പീഡന വിവരം പുറത്തറിഞ്ഞത്.
മെഡിക്കൽ കോളജ് അധികൃതരാണ് പോലീസിൽ വിവരമറിയിച്ചത്. മാനന്തവാടി പോലീസ് എത്തുകയും അന്വേഷണം നടത്തുകയും ചെയ്തു. ഇതിൻ്റെ അടിസ്ഥാനത്തിലാണ് ഇയാളെ അറസ്റ്റ് ചെയ്തത്.
