ഡാമിൽ കുളിക്കുന്നതിനിടെ യുവാവ് വെള്ളക്കെട്ടില്‍ മുങ്ങി മരിച്ചു
പടിഞ്ഞാറത്തറ : യുവാവ് വെള്ളക്കെട്ടില്‍ മുങ്ങി മരിച്ചു. പടിഞ്ഞാറത്തറ കുറ്റിയാംവയല്‍ മംഗളംകുന്നു ഉന്നതിയിലെ ശരത് ഗോപി (25)യാണ് മരിച്ചത്. ബാണാസുര ഡാം റിസോര്‍വോയര്‍ ഏരിയയിലായിരുന്നു അപകടം.
കല്‍പ്പറ്റ അഗ്‌നിരക്ഷാ സേനയുടെ സ്‌ക്യൂബ ടീം സ്ഥലത്ത് എത്തി നടത്തിയ തിരച്ചിലില്‍ 45 അടിയോളം താഴ്ചയില്‍ നിന്നുമാണ് മൃതദേഹം കണ്ടെത്തിയത്. കുളിക്കുന്നതിനിടെയാണ് അപകടമെന്നാണ് വിവരം. ശക്തമായ മഴയും തണുപ്പും ഉണ്ടായിരുന്നെങ്കിലും അതിനെ അവഗണിച്ചു നടത്തിയ തിരച്ചിലില്‍ ആണ് അഗ്‌നി രക്ഷാ സേന മൃതദേഹം കണ്ടെടുത്തത്. കല്‍പ്പറ്റ സ്‌റ്റേഷന്‍ ഓഫീസര്‍ അര്‍ജുന്‍ കെ കൃഷ്ണന്‍, സീനിയര്‍ ഫയര്‍ ആന്‍ഡ് റെസ്‌ക്യൂ ഓഫീസര്‍ ചന്ദ്രന്‍ എന്‍ ആര്‍ എന്നിവരുടെ നേതൃത്വത്തില്‍ ആണ് അഗ്‌നിരക്ഷ സേനയുടെ സ്‌ക്യൂബ ടീം തിരച്ചില്‍ നടത്തിയത്‌.
