റംബുട്ടാൻ തൊണ്ടയില്‍ കുരുങ്ങി ; ഒരു വയസുകാരന് ദാരുണാന്ത്യം
കൊച്ചി : പെരുമ്പാവൂരില്‍ റംബൂട്ടാൻ തൊണ്ടയില്‍ കുരുങ്ങി ഒരു വയസുകാരന് ദാരുണാന്ത്യം. ഇന്നലെ വൈകിട്ട് 6 മണിയോടെയായിരുന്നു ദാരുണ സംഭവം. മരുതുകവലയില്‍ വാടകയ്ക്ക് താമസിക്കുന്ന ഇടുക്കി സ്വദേശിനി ആതിരയുടെ മകൻ അവ്യുക്ത് ആണ് മരിച്ചത്. മുത്തശ്ശിക്കൊപ്പം കളിച്ചുകൊണ്ടിരിക്കുകയായിരുന്നു കുട്ടി.
ഈ സമയത്ത് കൈയ്യില്‍ കിട്ടിയ റംബൂട്ടാൻ കുട്ടി വിഴുങ്ങുകയായിരുന്നു. ഉടൻ തന്നെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല. മൃതദേഹം പെരുമ്ബാവൂരിലെ സ്വകാര്യ ആശുപത്രി മോർച്ചറിയില്‍ സൂക്ഷിച്ചിരിക്കുകയാണ്. തുടർ നടപടിക്ക് ശേഷം മൃതദേഹം ബന്ധുക്കള്‍ക്ക് വിട്ട് നല്‍കും.
