സിപിഐ വയനാട് ജില്ലാ സെക്രട്ടറിയായി ഇ.ജെ ബാബുവിനെ വീണ്ടും തിരഞ്ഞെടുത്തു
ബത്തേരി : ഇ.ജെ ബാബുവിനെ സിപിഐ വയനാട് ജില്ലാ സെക്രട്ടറി വീണ്ടും തിരഞ്ഞെടുത്തു. ഇരുപത്തിയഞ്ചാം പാര്‍ട്ടി കോണ്‍ഗ്രസിന്റ ഭാഗമായി ബത്തേരി ചീരാലില്‍ നടന്ന സമ്മേളനത്തിലാണ് ഇ.ജെ ബാബുവിനെ വിണ്ടും തിരഞ്ഞെടുത്തത്. മുപ്പത്തിമൂന്ന് അംഗ ജില്ലാ കമ്മറ്റിയെയും എഴ് അംഗ സംസ്ഥാന സമ്മേളന പ്രതിനിധികളെയും സമ്മേളനം തിരത്തെടുത്തു. രണ്ടാം തവണയാണ് ഇ.ജെ ബാബു സെക്രട്ടറിയാകുന്നത്.
1979 ല്‍ കമ്മ്യൂണിസ്റ്റ് പാര്‍ട്ടിയില്‍ അംഗമായി പൊതു പ്രവര്‍ത്തനം ആരംഭിച്ച അദ്ദേഹം പഞ്ചായത്ത് അംഗമായും, 2000-2005ല്‍ മാനന്തവാടി പഞ്ചായത്ത് വൈസ് പ്രസിഡന്റായും പ്രവര്‍ത്തിച്ചു. കിലാ ഫാക്കല്‍റ്റിയുമായിരുന്നു.
രണ്ട് പാര്‍ലമെന്റ് തെരഞ്ഞെടുപ്പുകളില്‍ പാര്‍ട്ടിയെ ജില്ലയില്‍ നയിച്ചു. മുണ്ടക്കൈ ദുരന്തത്തില്‍ ദുരന്ത ബാധിതര്‍ക്ക് സംസ്ഥാനത്തിന്റെ വിവധ ഭാഗങ്ങളില്‍ നിന്ന് സംഘടനകളെ ഏകോപിപ്പിച്ച് സഹായങ്ങള്‍ എത്തിക്കാന്‍ മുന്‍പന്തിയില്‍ നിന്ന് പ്രവര്‍ത്തിച്ചു.
വന്യമൃഗ ശല്യം പരിഹരിക്കണെമെന്ന് ആവശ്യപ്പെട്ട് കിസാന്‍ സഭ- സിപിഐ പ്രവര്‍ത്തകരെ പങ്കെടുപ്പിച്ച് പാര്‍ലമെന്റിന് മുന്നില്‍ നടത്തിയ പ്രക്ഷോഭങ്ങള്‍ക്ക് നേതൃപരമായ പങ്ക് വഹിച്ചു.
