കുതിപ്പിന് സഡൻബ്രേക്കിട്ട് സ്വര്‍ണം; ഇന്ന് പവന് ഒറ്റയടിക്ക് 480 രൂപ കുറഞ്ഞു
കൽപ്പറ്റ : സംസാഥാനത്ത് സ്വർണവില കുറഞ്ഞു. ഈ മാസമുണ്ടായ ആദ്യത്തെ ഇടിവാണ് ഇത്. 480 രൂപയാണ് പവന് കുറഞ്ഞത്. ഒരു പവൻ സ്വർണത്തിൻ്റെ ഇന്നത്തെ വിപണി വില 64,000 രൂപയാണ്. കഴിഞ്ഞ നാല് ദിവസംകൊണ്ട് 1120 രൂപ സ്വർണത്തിന് വർദ്ധിച്ചിട്ടുണ്ട്. വില കുറഞ്ഞത് ഉപഭോക്താക്കള്‍ക്ക് പ്രതീക്ഷ നല്‍കുന്നുണ്ട്.
ഒരു ഗ്രാം 22 കാരറ്റ് സ്വർണത്തിന്റെ വിപണി വില 8000 രൂപയാണ്. ഒരു ഗ്രാം 18 കാരറ്റ് സ്വർണത്തിന്റെ വിപണി വില 6585 രൂപയാണ്. ഒരു ഗ്രാം സാധാരണ വെള്ളിയുടെ വില 106 രൂപയാണ്.
യുഎസ് എൻഎഫ്‌പി റിപ്പോർട്ട് പുറത്തുവരുന്നതിന് മുന്നോടിയായി ലാഭമെടുപ്പ് കാരണം ഇന്നത്തെ ആദ്യ വ്യാപാരത്തില്‍ സ്വർണ്ണ വില കുറഞ്ഞു. യുഎസ് ഡോളർ സൂചിക നാല് മാസത്തെ ഏറ്റവും താഴ്ന്ന നിലയിലാണ്. ട്രംപിൻ്റെ നയങ്ങള്‍, സാമ്ബത്തിക അനിശ്ചിതത്വങ്ങള്‍ ഉണ്ടാക്കുമെന്ന ഭീതിയില്‍ ഈ വർഷം 10 ശതമാനത്തിലധികം സ്വർണ വില ഉയർന്നിട്ടുണ്ട്.
