മരം മുറിക്കുന്നതിനിടെ കൊമ്പ് ദേഹത്തു വീണ് യുവാവിന് ദാരുണാന്ത്യം
മേപ്പാടി : മരം മുറിക്കുന്നതിനിടെ മരക്കൊമ്പ് ദേഹത്തു വീണ് യുവാവിന് ദാരുണാന്ത്യം. മര വ്യാപാരി താഴെ അരപ്പറ്റ പേരങ്കിൽ പ്രശാന്ത് (42) ആണ് മരിച്ചത്. ഇന്ന് ഉച്ചയോടെ മുക്കംകുന്നിൽ സ്വകാര്യ വ്യക്തിയുടെ സ്ഥലത്തായിരുന്നു അപകടം. മുറിച്ച മരം മറ്റൊരു മരത്തിലേക്കു വീഴുകയും ആ മരത്തിൻ്റെ കൊമ്പ് പ്രശാന്തിൻ്റെ ദേഹത്തേക്ക് വീഴുകയുമായിരുന്നു.
ഗുരുതര പരുക്കേറ്റ ഇദ്ദേഹത്തെ വിംസ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
പത്മനാഭൻ്റെയും ദേവകിയുടെയും മകനാണ്. ഭാര്യ : നിധില. മകൾ : ഋതുനന്ദ. സഹോദരങ്ങൾ : സുനിൽ ദത്ത് (ആരോഗ്യ വകുപ്പ് ), പ്രമോദ് -(സിആർ പി എഫ് ) .
സംസ്കാരം നാളെ (ചൊവ്വ) ഉച്ചയ്ക്ക് ഒരു മണിക്ക് വീട്ടുവളപ്പിൽ.
