മാരകമയക്കുമരുന്നായ എം.ഡി.എം.എയുമായി യുവാവ് പിടിയിൽ

വൈത്തിരി : മാരകമയക്കുമരുന്നായ എംഡിഎംഎയുമായി യുവാവ് പിടിയില്‍. കോഴിക്കോട് കോടഞ്ചേരി മീൻമുട്ടി ആലക്കൽ വീട്ടിൽ അതുൽ തോമസ് (22) നെയാണ് വൈത്തിരി പോലീസും ജില്ലാ ലഹരിവിരുദ്ധ സ്ക്വാഡും ചേർന്ന് പിടികൂടിയത്. പോലീസ് പട്രോളിംഗിനിടെ ചുണ്ടേൽ ഒലിവ് മലയിൻ നിന്നാണ് ഇയാളെ പിടികൂടിയത്. 0.05 ഗ്രാം എംഡിഎംഎ ഇയാളിൽ നിന്ന് കണ്ടെടുത്തു. വൈത്തിരി സ്റ്റേഷൻ സബ് ഇൻസ്‌പെക്ടർ ആർ.കെ വിജയന്റെ നേതൃത്വത്തിലാണ് പ്രതിയെ പിടികൂടിയത്.