ബീവറേജസ് ഔട്‌ലറ്റ് കുത്തിതുറന്ന് പണവും മദ്യവും മോഷ്ടിച്ച പ്രതികള്‍ പിടിയില്‍
മാനന്തവാടി : തൊണ്ടര്‍നാട് കോറോത്ത് പ്രവര്‍ത്തിക്കുന്ന ബിവറേജ് ഔട്‌ലറ്റില്‍ മോഷണം നടത്തിയ കേസിലെ പ്രതികള്‍ അറസ്റ്റിലായി. പേരാമ്പ്ര കൂട്ടാളി സ്വദേശി സതീശന്‍ (41) എറണാകുളം തൃപ്പൂണിത്തറ സ്വദേശി ബൈജു (49) എന്നിവരെയാണ് തൊണ്ടര്‍ പോലീസ് സ്റ്റേഷന്‍ ഓഫീസര്‍ എസ് അഷ്‌റഫിന്റെ നേതൃത്വത്തിലുള്ള സംഘം പിടികൂടിയത്.
ഈ മാസം എട്ടിനായിരുന്നു മോഷണം നടന്നത്. 22000 രൂപയും 92,000 രൂപയുടെ മദ്യവും മോഷണം പോയെന്നാണ് ഔട്‌ലറ്റ് അധികൃതര്‍ പരാതിപ്പെട്ടത്. പ്രതികളുടെ ചിത്രം സി.സി ക്യാമറയില്‍ പതിഞ്ഞിരുന്നു.എസ് ഐമാരായ അബ്ദുല്‍ അസീസ് കെ.പി, കെ. മൊയ്തു, ബിന്‍ഷാദ് അലി, എസ്.സി.പി.ഒ ജിമ്മി ജോര്‍ജ്, സി.പി.ഒ മാരായ ശ്രീജേഷ്, ഷിന്റോ ജോസഫ് എന്നിവരാണ് പോലീസ് സംഘത്തിലുണ്ടായിരുന്നത്.
