എം.ഡി.എം.എ വിൽപ്പന നടത്തുന്നതിനിടെ യുവാക്കൾ പിടിയിൽ
മീനങ്ങാടി : എം.ഡി.എം.എ വിൽപ്പന നടത്തുമ്പോൾ മൂന്ന് യുവാക്കളെ വളഞ്ഞ് പിടികൂടി മീനങ്ങാടി പോലീസ്. വില്പന നടത്താൻ ശ്രമിച്ച മീനങ്ങാടി പുഴംകുനി പുത്തൻപുരക്കൽ വീട്ടിൽ ജിത്തു പി. സുകുമാരൻ (29), വാങ്ങാൻ ശ്രമിച്ച പുറക്കാടി പുഴംകുനി ശ്രീനിലയം വീട്ടിൽ എ.കെ. ശ്രീജിത്ത് (34), പള്ളിക്കുന്ന് ശ്രീഭവൻ ഡി.എസ്. ശ്രീജിത്ത് (28) എന്നിവരെയാണ് അറസ്റ്റ് ചെയ്തത്.
0.54 ഗ്രാം എം.ഡി.എം.എ കണ്ടെടുത്തു. ഇന്നലെ രാത്രി 10 മണിയോടെയാണ് സംഭവം. ടാറ്റു ഷെഡിൽ ലഹരി വില്പനയുണ്ടെന്ന രഹസ്യ വിവരത്തിൻ്റെ അടിസ്ഥാനത്തിലാണ് പോലീസ് എത്തിയത്. പരിസരം വളഞ്ഞ് നിരീക്ഷിച്ച ശേഷം ലഹരി വിൽപ്പന ആണെന്ന് ഉറപ്പാക്കിയ ശേഷം കസ്റ്റഡിയിൽ എടുക്കുകയായിരുന്നു.
