ചീരാലിൽ വീട് കത്തിനശിച്ചു : ഒഴിവായത് വൻ ദുരന്തം

ബത്തേരി : ചീരാലിൽ വീട് കത്തിനശിച്ചു. ചീരാൽ കൊഴുവണ ആലിങ്കൽ ജോർജിന്റെ വീടാണ് പൂർണ്ണമായും കത്തിനശിച്ചത്. ഇന്ന് രാത്രി 7 മണിയോടെയാണ് വീടിനു തീ പടർന്നത്. വീട്ടിലുണ്ടായിരുന്നവർ ഓടി രക്ഷപ്പെട്ടതിനാലാണ് വൻ ദുരന്തം ഒഴിവായത്.

ബത്തേരിയിൽ നിന്ന് ഫയർഫോഴ്‌സ് എത്തിയെങ്കിലും സാങ്കേതികതകരാറു മൂലം ആദ്യമെത്തിയ ഫയർഫോഴ്സ് വാഹനത്തിന് തീയണക്കാനായില്ല. പിന്നീട് മറ്റൊരു വാഹനമെത്തിയാണ് തീയണച്ചത്. വീട് പൂർണ്ണമായും കത്തിനശിച്ചു